<meta '="" ,"siz="" achchiqlinip="" adem="" bilisiz"="" content="Türkiye bash ministiri rejep tayip erdoghan shwétsariyining dawos dégen yéride échiliwatqan dunya iqtisad yighinidiki, pelestinning ghezze mesilisi témisidiki yighinda, isra" dédi.="" dölet="" iliye="" name="twitter:description" pereske="" re'isi="" yaxshi="" öltürüshni=""/> <meta '="" ,"siz="" achchiqlinip="" adem="" bilisiz"="" content="Türkiye bash ministiri rejep tayip erdoghan shwétsariyining dawos dégen yéride échiliwatqan dunya iqtisad yighinidiki, pelestinning ghezze mesilisi témisidiki yighinda, isra" dédi.="" dölet="" iliye="" pereske="" property="og:description" re'isi="" yaxshi="" öltürüshni=""/> <meta '="" ,"siz="" achchiqlinip="" adem="" bilisiz"="" content="Türkiye bash ministiri rejep tayip erdoghan shwétsariyining dawos dégen yéride échiliwatqan dunya iqtisad yighinidiki, pelestinning ghezze mesilisi témisidiki yighinda, isra" dédi.="" dölet="" iliye="" name="description" pereske="" re'isi="" yaxshi="" öltürüshni=""/> Rejep tayip erdoghan dawosta zalni tashlap chiqip ketti — Uyghur

Rejep tayip erdoghan dawosta zalni tashlap chiqip ketti

Türkiye bash ministiri rejep tayip erdoghan shwétsariyining dawos dégen yéride échiliwatqan dunya iqtisad yighinidiki, pelestinning ghezze mesilisi témisidiki yighinda, isra'iliye dölet re'isi pereske achchiqlinip ,"siz adem öltürüshni yaxshi bilisiz" dédi.
Muxbirimiz erkin tarim
2009-01-30
Share
Turk-Erdogan-Peres-305 Türkiye bash ministiri rejep tayip erdoghan shwétsariyining dawosta échiliwatqan dunya iqtisad yighinida, israiliye dölet reisi pereske achchiqlinip sözlewatqan körünüsh.
AFP Photo

Söz qilish waqtini shimon pereske qarighanda az bergechke türkiye bash ministiri rejep tayip erdoghan yighin zalini tashlap chiqip ketti.

Dawostiki dunya iqtisad yighinida türkiye bash ministiri rejep tayip erdoghan bilen isra'iliye re'is jumhuri peresning jidili dunya jama'etchilikining diqqet étibarini yene bir qétim ghezze mesilisige buridi.

Birleshken döletler teshkilati bash sékrétari ban ki mun bilen ereb birliki bash sékrétari emir musamu sözligüchi süpitide qatnashqan ottura sherq mesilisi heqqidiki bu yighinda, türkiye bash ministiri rejep tayip erdoghan isra'iliyining ghezzege élip bériwatqan hujumini tenqid qilip, isra'iliyining xamas bilen muzakire élip bérishi kéreklikini tekitlidi.

Uningdin kéyin sözge chiqqan shimon peres yuqiri awaz bilen erdoghanning sözlirige jawab berdi we xamasni eyiblidi. Peresning bu sözlirini yighin zalida olturghan bezi kishiler chawak chélip alqishlidi.

Peresning gépi tüge tügimey rejep tayip erdoghan söz heqqi telep qildi, yighin riyasetchisi sözleshke ruxset qilmidi. Buninggha qattiq achchiqi kelgen rejep tayip erdoghan shimon pereske jawaben mundaq dédi: "séning yéshing mendin chong, awazing bek yuqiri chiqiwatidu. Sendiki bu jinayetchi psixologiyisi. Siz insan öltürüshni yaxshi bilisiz".

U bu sözlerni dégendin kéyin peresning sözige chawak chélip alqishlighan insanlargha qarap turup mundaq dédi: "zulum qilghanlarni alqishlighanlarni éyibleymen".
 
Söz alghanlarning hemmisining 12 minut söz qilghanliqini, isra'iliye re'is jumhuri shimon peresning del 25 minut söz qilghanliqini éytqan rejep tayip erdoghan "buningdin kéyin dawosqa kelmeymen" dep, sehnidin udul sirtqa chiqip ketti. 2 - Ayning 29 - küni axsham türkiyidiki pütün téléwiziye qanalliri neq meydandin bergen bu xewer dunyaning birinchi kün tertipidiki weqege aylandi.

Bu weqe yüz bérip yérim sa'et öter ötmey türkiyidiki pütün téléwiziyiler dawostin neq meydandin isra'iliye re'is jumhuri shimon peresning rejep tayip erdoghan'gha téléfon qilip awazini yuqiri chiqirip gep qilip salghanliqi üchün epu sorighanliqi heqqidiki xewerni tarqatti.

Shwétsariyining sherqidiki dawosta échiliwatqan dunya iqtisad yighinida yüz bergen bu weqe dunyada bolupmu türkiyide qattiq ghulghula peyda qildi.

Türkiye bash ministiri rejep tayip erdoghanning isra'iliye re'is jumhuri shimon pereske qattiq gep qilip sehnini tashlap chiqip ketkendin kéyin bezi kishiler uni ézilgen xelqning qehrimani dep élan qilsa, yene bezi kishiler bash ministirning bu qopalliqining diplomatiyige muwapiq emeslikini ilgiri sürüshmekte.

Yene bezi kishiler ereb döletliri jim turuwalghan bundaq bir peyitte türkiyining pelestin mesilisige bundaq köngül bölüp kétishining türkiyining aliy menpe'etige ziyan élip kélidighanliqini ilgiri sürüshse, yene bezi kishiler türkiyining ottura sherqtiki abroyini yuqiri kötüridighanliqini ilgiri sürüshmekte.

Bu heqtiki köz qarashlirini élish üchün türk mutexessislerge mikrafonimizni uzattuq. Yuqiridiki awaz ulinishidin, bu heqtiki tepsili melumatimizni anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet