Türkiyidiki ' waqit ' gézitide Uyghur mesilisi

Bir hali xarap uyghur boway

Bu ziyaret maqalisi "dunya Uyghur qurultiyi bash sékrétari dolqun eysa ependi insanni qorqunchqa salghan xitay zulumini waqit gézitige anglatti: türkistan igisiz" témisida bérilgen bolup, maqalide xitay hökümitining Uyghurlargha élip bériwatqan bésim siyasiti, d u q ning qurulush meqsiti, Uyghurlarning türkiyidin kütken ümidi etrapliq halda anglitilghan. Maqale waqit gézitining axirqi chong bir bétini qaplighan bolup, resimler bilenmu bézelgen.

Dolqun eysa muxbirgha, yuqiridiki témilardin bashqa, Uyghur tarixidiki muhim shexslerdin eysa yüsüp aliptékin, mehmet émin bughra we mesut sabri bayqozilarning Uyghur dawasidiki orni heqqidimu toxtalghan.

Türk metbu'atlirida Uyghurlar heqqide dawamliq xewerler élan qilinip turidighan bolsimu, Uyghur mesilisi bundaq etrapliq anglitilghan maqalilar anche köp élan qilinip baqmighan idi. Biz bu maqale heqqide téximu tepsili melumat élish üchün, waqit gézitining muxbiri mustafa özgür ependige Uyghur mesilisi heqqide tepsili melumat bergen, d u q bash sékrétari dolqun eysa ependi bilen téléfon söhbiti élip barduq.

Dolqun eysa ependi bizge waqit géziti muxbiri bilen élip barghan söhbiti heqqide tepsili melumat bergendin bashqa, d u q ning türkiyidin kütken ümidi we türkiyide élip barmaqchi bolghan pa'aliyiti heqqidimu melumat berdi.