Түркийидики ' вақит ' гезитидә уйғур мәсилиси

"Вақит" гезитиниң 12 - айниң 16 - күнидики санида, гезитниң әнқәрәдики мудири мустафа өзгүр әпәндиниң дуня уйғур қурултийи баш секретари долқун әйса әпәнди билән елип барған зиярити елан қилинди.
Мухбиримиз әркин тарим
2008-12-19
Share
Бир һали харап уйғур бовай Бир һали харап уйғур бовай
AFP Photo

Бу зиярәт мақалиси "дуня уйғур қурултийи баш секретари долқун әйса әпәнди инсанни қорқунчқа салған хитай зулумини вақит гезитигә аңлатти: түркистан игисиз" темисида берилгән болуп, мақалидә хитай һөкүмитиниң уйғурларға елип бериватқан бесим сиясити, д у қ ниң қурулуш мәқсити, уйғурларниң түркийидин күткән үмиди әтраплиқ һалда аңлитилған. Мақалә вақит гезитиниң ахирқи чоң бир бетини қаплиған болуп, рәсимләр биләнму безәлгән.

Долқун әйса мухбирға, юқиридики темилардин башқа, уйғур тарихидики муһим шәхсләрдин әйса йүсүп алиптекин, мәһмәт емин буғра вә мәсут сабри байқозиларниң уйғур давасидики орни һәққидиму тохталған.

Түрк мәтбуатлирида уйғурлар һәққидә давамлиқ хәвәрләр елан қилинип туридиған болсиму, уйғур мәсилиси бундақ әтраплиқ аңлитилған мақалилар анчә көп елан қилинип бақмиған иди. Биз бу мақалә һәққидә техиму тәпсили мәлумат елиш үчүн, вақит гезитиниң мухбири мустафа өзгүр әпәндигә уйғур мәсилиси һәққидә тәпсили мәлумат бәргән, д у қ баш секретари долқун әйса әпәнди билән телефон сөһбити елип бардуқ.

Долқун әйса әпәнди бизгә вақит гезити мухбири билән елип барған сөһбити һәққидә тәпсили мәлумат бәргәндин башқа, д у қ ниң түркийидин күткән үмиди вә түркийидә елип бармақчи болған паалийити һәққидиму мәлумат бәрди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт