Türkiyidiki Uyghurlar türklerni olimpikni bayqut qilishqa chaqirdi

Türkiyining eng chong téléwiziye qanalliridin biri bolghan bashkent téléwiziyisining 6 - may küni sa'et 13te bérilgen ' xewerchining sa'iti ' programmisida Uyghur mesilisige yer bérildi.
Muxbirimiz erkin tarim xewiri
2008-05-07
Share
uygr-melsi-bashkent-tv-305 Türkiyining bashkent téléwiziyisining 6 - may küni saet 13 te bérilgen 'xewerchining saiti ' programmisida uyghur mesilisi.
RFA Photo
 Remzi dilan ependi riyasetchilik qilghan programmigha sabiq dölet ministiri refahettin shahin bilen dunya Uyghur qurultiyining mu'awin bashliqi séyit tümtürk ependi qatnashti.

Bashkent téléwiziyisi xewerchining sa'iti namliq programmining riyasetchisi remzi dilan ependi, bu programmida sherqiy türkistan mesilisige alahide yer bérishtiki meqsitining bügün dunyada olimpik musabiqisini bayqut qilish pa'aliyitining qanat yéyip ketkenlikini, bu bayqotning asasiy témisining tibetler ikenlikini, sherqiy türkistan mesilisiningmu tibet mesilisi bilen oxshash bir mesile ikenlikini, shunga türkiyining xelq'arada sherqiy türkistan'gha ige chiqishi kéreklikini, buning üchün bügünki programmida sherqiy türkistan mesilisi heqqide mulahize élip bérilidighanliqini éytti.

Programmida deslep téléwizor körgüchilerge sherqiy türkistan medeniyet we hemkarliq jem'iyiti teripidin ishlen'gen` sherqiy türkistanning ötmüshi we bügüni` mawzuluq höjjetlik filim qoyup bérildi. Bu filimde Uyghurlarning 7 - esirde qurghan Uyghur döliti mezgilidin bügün'giche bolghan siyasiti , tarixi, Uyghur diyarining yer asti we yer üsti bayliqliri, istratégiyilik ehmiyiti heqqide melumat bérilgendin bashqa, yéqinqi yillardin béri xitay hökümitining Uyghur diyarida élip bériwatqan bésim siyasitimu körünüshler bilen körsitilgen. Höjjetlik filimde yene , 1997 - yili 2 - ayning 5 - küni ghuljida meydan'gha kelgen ghulja weqesidin körünüshlergimu yer bérilgen.

Bashkent téléwiziyisidiki` xewerchining sa'iti` namliq bu programmining riyasetchisi remzi dilan ependi aldi bilen sabiq dölet ministiri péshqedem siyasetchi refahettin shahin ependige söz berdi. U sözide 2008 - olimpik musabiqisige qarshi qiliniwatqan bayqotning xitayning tibette élip bériwatqan bésim siyasitini asas qilip turup élip bériliwatqanliqini, sherqiy türkistan mesilisige dunya jama'etchilikining yéterlik derijide köngül bölmeywatqanliqini, türkiye hökümiti we türk xelqining birinchi bolup olimpik musabiqisini bayqut qilishi kéreklikini éytti.

Sabiq sowit ittipaqida 1980 - yili échilghan olimpik musabiqisini, ruslar afghanistan'gha bésip kirgenliki tüpeyli türkiyining bayqut qilghanliqini, xitaylar sherqiy türkistanliqlargha bésim ishlitiwatqanliqi üchün türkiyining 2008 - yili béyjing olimpik musabiqisini bayqut qilishi kéreklikini éytti. U yene sözide Uyghurlarning türkler bilen tili, dini we medeniyiti oxshash qérindash ikenlikini, türkiyining Uyghurlargha ige chiqishi kéreklikini, türk tenterbiyichiliriningmu olimpik tenterbiye musabiqilirini bayqut qilishi kéreklikini tekitlidi.

Bu programmigha qatnashqan dunya Uyghur qurultiyi mu'awin bashliqi séyit tümtürk ependimu türk hökümitini we türk tenterbiyichilirini 2008 - olimpik tenterbiye musabiqilirigha qatnashmasliqqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet