Түркийә парламентида `шәрқий түркистан мәсилиси`

27 ‏- Ноябир күни хитайниң сияси мәслиһәт кеңишиниң башлиқи җия чиңлин вә униң билән биргә кәлгән 100хитай вәкил түркийәниң пайтәхти әнқәрәгә рәсми зиярәт елип барған иди.
Мухбиримиз әркин тарим
2008.12.03
Share on WhatsApp
Share on WhatsApp
Erdogan-xitay-turk-305.jpg 27 ‏- Нойабир күни хитайниң сийаси мәслиһәт кеңишиниң башлиқи җийа чиңлин вә униң билән биргә кәлгән 100хитай вәкил түркийәниң пайтәхти әнқәрәгә рәсми зийарәт елип барған, сүрәттә, түркийә җумһур рәиси абдуллаһ гүл хитайлар билән сөһбәттә.
RFA Photo / Erkin Tarim

Бу һәйәтни түркийә җумһур рәиси абдуллаһ гүл, баш министир рәҗәп таййип әрдоған қатарлиқлар қобул қилғандин башқа, түркийә парламенти башлиқи көксал топтанму уларни түркийә парламентида қубул қилған иди. Хитай һәйитиниң түркийә парламентидики бу паалийәтлири түркийә бүйүк милләт мәҗлиси телевизийиси нәқ мәйдандин тарқитилған иди .

Түркийә парламенти башлиқи көксал топтанни тәбрикләш билән сөзини башлиған хитайниң сияси мәслиһәт кеңишиниң башлиқи җия чиңлин түркийә билән дөлитиниң достлуқ мунасивитиниң наһайити муқим икәнликини һәмдә миң йилдин бири йипәк йолиниң икки дөләтниң мунасивәтлирини қоюқлаштурғанлиқини билдүргән иди.

Кишиләрниң диққитини қозғиған сөз шуки : җия түрк парламентида қилған сөзидә олимпик җәрянида шәрқий түркистанлиқ бөлгүнчиләргә қарши күрәштә түркийәниң хитайға қилған ярдимигә рәхмәт ейтти.

Олимпик җәрянида түркийәдики шәрқий түркистан аммивий тәшкилатлири олимпик мәшилиниң иккинчи бекити болған истанбулда анчә көп тосалғуға учримай наразилиқ намайиши өткүзүп дуня мәтбуатлирида йәр алған турса, түркийәдики шәрқий түркистан тәшкилатлири пүтүн күчи билән паалийәтлирини давам қиливатқан турса, җия чиңлинниң түркийәниң шәрқий түркистанчиларға қарши көрсәткән ярдимигә рәхмәт ейтишини қандақ чүшинишимиз керәк? түркийә дөлити уйғурларни террорист дәп қобул қилмайдиған турса, җия чиңлин ейтқан террористларға қарши муҗадилида һәмкарлишиш түркийә үчүн немини ипадиләйду? 100 кишилик хитай һәйитиниң түркийә зияритиниң пәрдә арқисида немиләр бар?

Бу һәқтики көз қаришини елиш үчүн түркийә хитай мунасивәтлири мутәхәссиси др. Әркин әкрәм билән сөһбәт елип бардуқ.

Юқиридики аваз улинишидин, бу сөһбитимизниң тәпсилатини аңлайсиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.