Türkiye parlaméntida `sherqiy türkistan mesilisi`

27 ‏- Noyabir küni xitayning siyasi meslihet kéngishining bashliqi jiya chinglin we uning bilen birge kelgen 100xitay wekil türkiyening paytexti enqerege resmi ziyaret élip barghan idi.
Muxbirimiz erkin tarim
2008.12.03
Share on WhatsApp
Share on WhatsApp
Erdogan-xitay-turk-305.jpg 27 ‏- Noyabir küni xitayning siyasi meslihet kéngishining bashliqi jiya chinglin we uning bilen birge kelgen 100xitay wekil türkiyening paytexti enqerege resmi ziyaret élip barghan, sürette, türkiye jumhur reisi abdullah gül xitaylar bilen söhbette.
RFA Photo / Erkin Tarim

Bu hey'etni türkiye jumhur re'isi abdullah gül, bash ministir rejep tayyip erdoghan qatarliqlar qobul qilghandin bashqa, türkiye parlaménti bashliqi köksal toptanmu ularni türkiye parlaméntida qubul qilghan idi. Xitay hey'itining türkiye parlaméntidiki bu pa'aliyetliri türkiye büyük millet mejlisi téléwiziyisi neq meydandin tarqitilghan idi .

Türkiye parlaménti bashliqi köksal toptanni tebriklesh bilen sözini bashlighan xitayning siyasi meslihet kéngishining bashliqi jiya chinglin türkiye bilen dölitining dostluq munasiwitining nahayiti muqim ikenlikini hemde ming yildin biri yipek yolining ikki döletning munasiwetlirini qoyuqlashturghanliqini bildürgen idi.

Kishilerning diqqitini qozghighan söz shuki : jiya türk parlaméntida qilghan sözide olimpik jeryanida sherqiy türkistanliq bölgünchilerge qarshi küreshte türkiyening xitaygha qilghan yardimige rexmet éytti.

Olimpik jeryanida türkiyediki sherqiy türkistan ammiwiy teshkilatliri olimpik mesh'ilining ikkinchi békiti bolghan istanbulda anche köp tosalghugha uchrimay naraziliq namayishi ötküzüp dunya metbu'atlirida yer alghan tursa, türkiyediki sherqiy türkistan teshkilatliri pütün küchi bilen pa'aliyetlirini dawam qiliwatqan tursa, jiya chinglinning türkiyening sherqiy türkistanchilargha qarshi körsetken yardimige rexmet éytishini qandaq chüshinishimiz kérek? türkiye döliti Uyghurlarni térrorist dep qobul qilmaydighan tursa, jiya chinglin éytqan térroristlargha qarshi mujadilida hemkarlishish türkiye üchün némini ipadileydu? 100 kishilik xitay hey'itining türkiye ziyaritining perde arqisida némiler bar?

Bu heqtiki köz qarishini élish üchün türkiye xitay munasiwetliri mutexessisi dr. Erkin ekrem bilen söhbet élip barduq.

Yuqiridiki awaz ulinishidin, bu söhbitimizning tepsilatini anglaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.