Qeyseridiki Uyghur medeniyet merkizining échilish murasimi ötküzüldi

Türkiye chet'ellerdiki Uyghurlar bir qeder köp olturaqlashqan döletlerdin biri bolup, qeyseri türkiyidiki Uyghurlar bir mehellige jem bolup olturaqlashqan sheherlerdin biri.
Muxbirimiz erkin tarim
2008-09-29
Share
STMH-jemiyiti-merkez-305.jpg Sherqiy türkistan medeniyet we hemkarliq jemiyiti 25 - séntebir küni bu medeniyet merkizining échilish murasimi ötküzülgen.
RFA Photo / Erkin Tarim

Qeyserining exmet yesewi mehelliside türkistan öyliri dégen yerde 200 a'ile etrapida Uyghur yashaydu. Bularning chong meschiti, teshkilat binasi hetta wapat bolghanlarni depne qilidighan ayrim mazirimu bar.

Yéqinda sherqiy türkistan medeniyet we hemkarliq jemiyitining bash binasining yénigha qoshumche öy sélin'ghan bolup, bu bir qewetlik binagha 500 kishi sighidighan bolup, teshkilat bu yerni medeniyet merkizi we méhmanxana qilip ishlitidiken. 25 - Séntebir küni bu medeniyet merkizining échilish murasimi ötküzülgen. Bu merkezning échilish murasimigha qeysiridiki Uyghurlar qatnashqan bolup, bina du'alar bilen resmi xizmetke échilghan.

Sherqiy türkistan medeniyet we hemkarliq jemiyitining bashliqi séyit tümtürk ependining éytishiche jemiyetning ana binasining yénigha sélin'ghan bu öyler medeniyet merkizi, méhmanxana qilip ishlitilidiken. Hazirghiche qeysiridiki sherqiy türkistan medeniyet merkizining ana binasidiki méhmanxanisida yüz etrapida Uyghur musapir kütüwélin'ghan bolup, buningdin kéyin téximu köp Uyghur musapirlar kütiwélinidiken.

Yéqinqi yillardin béri chetelge qéchishqa mejbur boliwatqan Uyghurlarning sani barghanséri köpeymekte. Türkiyige kélip bashqa döletlerge kétish üchün birleshken döletler teshkilati musapirlar ishxanisigha iltimas qilghan Uyghurlarning shundaqla türk puqraliqi üchün iltimas qilghan Uyghurlardin turidighan yéri yoqlarning köpi bu yerde turmaqta.

Biz bu heqte jemiyetning mes'uli séyit tümtürk ependi bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet