Türkiyidiki Uyghurlarning rozi héyt tilekliri

Bu mubarek künde, musulmanlarning eng chong arzusi, héyt namizini islamning shertliri buyiche kongulluk oqush, shundaqla namazdin yénip qebristanliqqa bérip alemdin ötken ata - ana, uruq - tughqan we dost - yarenlirining tupraq béshida olturup qira'et ötküzüsh arqiliq, ularning rohigha xudadin shatliq tileshtin shundaqla bir - biri bilen héyitlishish arqiliq hal - ehwal sorash, adawetni tügitish we öz - ara yardemlishishni kücheytishtin shundaqla yétim - yésir, yoqsullargha yardem qilishtin ibaret. Rozi héyit balilar we yash ösmürler üchün héyitliq toplash, oyun - tamasha, xushalliq we milliy örp - adetlerni öginish démektur. Bu, musulmanlar üchün eng zor meniwiy xoshalliqtur.

Bulardin bashqa, her Uyghurning bu héyit munasiwiti bilen xudadin tileydighan arzu - tileklirimu bar. Undaqta, türkiyining istanbul, enqere we qeyseri qatarliq sheherliride pa'aliyet élip bériwatqan sherqiy türkistan ammiwiy teshkilatliri rehberliri we din mutexessisliri bu héyitning qandaq ötküzülüshini arzu qilidu ? ularning héyit munasiwiti bilen tilekliri néme? Uyghurlar bu rozi héyitni qandaq ötküzmekchi? bu heqte melumat élish Uyghurlargha mikrafonimizni uzattuq.