2012 - Yilidiki türkiye, xitay munasiwitige nezer

Türkiye, xitay munasiwiti 41 yilliq tarixqa ige bolup, kéyinki yillarda barghanséri kücheymekte. Mutexessisler türk, xitay munasiwitining küchiyishige egiship sherqiy türkistan mesilisining ikki dölet otturisidiki muhim siyasiy mesilining birige aylan'ghanliqini ilgiri sürmekte.
Muxbirimiz erkin tarim
2012-12-27
Share
turkiye-bilen-xitay-toxtamname-tuzdi-305.jpg Türkiye bilen xitay diniy sahede hemkarlishish toxtamnamisi tüzdi. 2011-Yili iyun.
diyanet.gov.tr


Undaqta 2012 - yilidiki türkiye, xitay munasiwiti qandaq boldi? 2012 - yili türkiyide "Xitay kültür yili" dep élan qilin'ghandin kéynla tunji bolup sabiq mu'awin dölet re'isi shi jinping resmiy ziyaret üchün türkiyige kelgen idi. Türkiyidiki sherqiy türkistan pa'aliyetchiliri keng kölemlik namayish bilen qarshi alghan shi jinpingni türkiye dölet re'isi abdullah gül, bash ministir rejep tayyip erdoghan, parlamént re'isi jemil chichek qatarliq dölet rehberliri qizghin kütüwélip özlirining türkiye, xitay munasiwitige köngül bölidighanliqini ipadileshkenidi.

Arqidin 4 - ayning 8 - künidin 10 - künigiche türkiye bash ministiri rejep tayyip erdoghan ministir, parlamént ezasi, karxanichi we muxbirlardin teshkil tapqan 300 kishilik ömek bilen bille xitayda resmiy ziyarette bolghan idi. Rejep tayyip erdoghanning ziyaritini ürümchidin bashlishi, pütün dunyadiki Uyghurlarni söyündürgen bolsimu, türkiye bilen xitayning munasiwitining yéqinlishishi Uyghur pa'aliyetchilerni bir az endishige saldi. Bolupmu, 2012 - yilida xitayning türkiyining herqaysi sheherliride, uniwérsitétlirida 400 qétim etrapida pa'aliyet élip bérishi Uyghurlar arisida xitayning bu xil pa'aliyetliri türklerning Uyghurlargha bolghan hésdashliqini azaytiwétermu, dégen endishiler kélip chiqimaqta. Buninggha qarshi türkiyidiki sherqiy türkistan ammiwi teshkilatliri we türk ammiwi teshkilatliri, türkiyidiki uniwérsitétlar we tetqiqat merkezliri arqa - arqidin sherqiy türkistan heqqidiki herxil pa'aliyetlerni oyushturush arqiliq Uyghur mesilisini türk jama'itige anglitishqa tirishti.

2012 - Yilida türk, xitay munasiwitide burunqidin perqliq bolghan qandaq özgirishler boldi? buning Uyghur mesilisige bolghan tesiri qandaq boldi? türk,xitay munasiwiti aldimizdiki yillarda qandaq özgirishlerni kütiwalar dégen so'allargha jawab tépish üchün türkiye isitratégiyilik chüshenche inistituti türkiye, xitay munasiwetliri mutexessisi doktor erkin ekrem ependi bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet