Türkiyidiki Uyghurlar rozi héytni shat - xoramliq ichide ötküzmekte

Süret, türkiyining qeysiridiki uyghur jamaitining 30 - séntebirdiki roza héyt paaliyitidin bir körünüsh.

Bu mubarek künde, musulmanlarning eng büyük arzusi bolsa, héyt namizini islamning shertliri boyiche köngüllük oqush, shundaqla namazdin yénip qebristanliqqa bérip tügep ketken ata - ana, uruq - ‏tughqan we dost ‏ - yarenlirining tupraq béshida olturup qira'et ötküzüsh arqiliq, ularning rohigha alladin shatliq tileshtin shundaqla bir biri bilen héytlishish arqiliq hal ehwal sorash, öz - ara yardemlishishtin ibaret. Bu, musulmanlar üchün eng zor meniwiy xoshalliqtur.

Bügün türkiyidiki 75 milyon musulman tentenilik halda rozi héyti ötküzmekte. Undaqta türkiyining istanbul, enqere we qeyseri qatarliq jaylirida olturaqlash Uyghurlar bu rozi héytni qandaq ötküzüwatidu? türkiyide pa'aliyet élip bériwatqan sherqiy türkistan ammiwiy teshkilat mes'ulliri héyt munasiwiti bilen dunyadiki Uyghurlargha néme démekchi? türkiyide oquwatqan Uyghur oqughuchilarchu? bu heqte melumat élishni xalisingiz türkiyidin erkin tarim teyyarlighan programmini anglang.