تۈركىيىدىكى ئۇيغۇرلار نورۇز بايرىمىنى تەنتەنىلىك تەبرىكلىمەكتە
2008.03.21
نورۇز تۈركىي مىللەتلىرىنىڭ ئەڭ قەدىمىي بايراملىرىدىن بىرى بولۇپ، بەزى تارىخچىلارنىڭ ئىلگىرى سۈرۈشىچە، بۇ بايرام 5 مىڭ يىلدىن بېرى تەبرىكلىنىپ كەلمەكتە ئىكەن. باھار كەلگەنلىكىنىڭ بېشارىتى دەپ قارالغان نورۇز تۈركىيىدىكى ئۇيغۇرلار ئارىسىدىمۇ تەنتەنىلىك تەبرىكلەنمەكتە.
يېڭى كۈن مەنىسىنى ئىپادىلىگەن نورۇزنى بەزى تۈركىي مىللەتلەر تەڭرىنىڭ دۇنيانى ياراتقان كۈنى دەپ ھېسابلىسا، بەزى تۈركىي مىللەتلەر نۇھ پەيغەمبەرنىڭ ئالەمگە قەدەم قويغان كۈنى دەپ ھېسابلايدىكەن. باھار باشلىغان كۈن دەپ قارالغان نورۇز كېچە بىلەن كۈندۈز تەڭلەشكەن كۈن بولغان 21 - مارت كۈنى قۇتلىنىپ كەلمەكتە.
بۈگۈن ئەزەربەيجان، قازاقىستان، قىرغىزىستان، تۈركمەنىستان ۋە ئۆزبېكىستان قاتارلىق دۆلەتلەردە رەسمىي بايرام سۈپىتىدە تەبرىكلىنىۋاتقان بۇ بايرامغا تۈركىيە جۇمھۇرىيىتىمۇ ئالاھىدە ئەھمىيەت بېرىپ قۇتلۇقلىماقتا. بۈگۈن ئىستانبۇل، ئەنقەرە، ئىزمىر ۋە قەيسەرى قاتارلىق شەھەرلەردە دۇنيانىڭ ھەرقايسى جايلىرىدىن تۈركىيىگە كېلىپ ئولتۇراقلىشىپ قالغان ياكى بۇ يەردە ئوقۇۋاتقان ھەرقايسى تۈركىي مىللەتلەردىن كىشىلەر بىر يەرگە جەم بولۇپ بۇ بايرامنى شاد خۇراملىق ئىچىدە قۇتلۇقلىماقتا. ئەنقەرەدە دۇنيانىڭ ھەرقايسى جايلىرىدىن كەلگەن تۈركىي مىللەت ئوقۇغۇچىلار ھاجەتتەپە ئۇنىۋېرسىتىېتىگە جەم بولۇپ، ئۆز مىللى تاماقلىرىنى ۋە مىللى ناخشا ئۇسسۇللىرىنى كۆرسەتمەكتە.
ئىزمىردە ئەگە ئۇنىۋېرسىتېتى زالىدا `تۈرك دۇنياسىدا نورۇز` ماۋزۇلۇق ئىلمىي مۇھاكىمە يىغىنى ئۆتكۈزۈلگەن بولۇپ، يىغىندا پروف. در. ئالىمجان ئىنايەت `ئۇيغۇرلاردا نورۇز` تېمىسىدا سۆز قىلغان. سۆزىدە ئۇيغۇرلارنىڭ نورۇز ئەنئەنىسىنى ئاڭلاتقاندىن باشقا، ئۇيغۇرلارنىڭ بۈگۈنكى ۋەزىيىتى ھەققىدىمۇ مەلۇمات بەرگەن.
بۇلاردىن باشقا ئۇيغۇرلار ئەڭ كۆپ ئولتۇراقلاشقان قەيسىرىدىكى ئۇيغۇرلارمۇ نورۇز بايرىمىنى قازاق، قىرغىز، ئۆزبەك، ئازارى ۋە تۈركمەنلەرگە ئوخشاش تۈركىي مىللەتلەردىن بولغان ئوقۇغۇچىلار بىلەن بىرلىكتە تەنتەنىلىك ھالدا ئۆتكۈزمەكتە. قىسقىسى تۈركىيىدىكى ئۇيغۇرلار نورۇز بايرىمىنى قانداق ئۆتكۈزمەكتە؟ (ئەركىن تارىم)
مۇناسىۋەتلىك ماقالىلار
- تۈركىيە دۆلەت مىنىستىرى مەھمەت ئايدىن خىتايدا زىيارەت ئېلپ بارماقتا
- ئۇيغۇرلارنىڭ مىللىي سالاھىيەت بايرىمى نورۇز
- بېشكەكتىكى ئۇيغۇرلار نورۇز ھازىرلىقلىرىنى باشلىۋەتتى
- تۈركىيە پارلامېنتى ئىنسان ھەقلىرى كومىتېتىنىڭ مۇئاۋىن باشلىقى مەھمەت ئەكىچى ئەپەندى بىلەن سۆھبەت
- قەيسەرى ۋالىسىنىڭ خوشلىشىش زىياپىتىگە د ئۇ ق مەسئۇللىرى قاتناشتى
- سابىق مىنىستىر ئابدۇخالىق چاي بىلەن سۆھبەت
- تۈرك دۇنياسىنىڭ ئالدىنى ھېچكىم توسالمايدۇ
- 11 - نۆۋەتلىك تۈركىي جۇمھۇرىيەتلەر ۋە تۈركىي مىللەتلەر دوستلۇق - قېرىنداشلىق - ھەمكارلىق قۇرۇلتىيى
- ئىستانبۇلدا ئېچىلغان خەلقئارالىق كۆرگەزمە پائالىيىتىگە ئۇيغۇرلارمۇ قاتناشتى
- تۈركىيىنىڭ ھەر قايسى شەھەرلىرىدە شەرقىي تۈركىستان جۇمھۇرىيەتلىرى خاتىرىلەندى
- ئورتاق دېگەن دۆلەت خىتاي بىلەن بولغان مۇناسىۋىتىمىزنى بۇزىدۇ
- تۈركىيە ھۆكۈمىتى تۈرك سودا - سانائەتچىلىرىنى ئۇيغۇر دىيارىغا مەبلەغ سېلىشقا چاقىرماقتا
كۆپ كۆرۈلگەن خەۋەرلەر
RFA
- رېژىسسور ئىكرام نۇرمەمەت تېررورلۇق بىلەن ئەيىبلىنىپ 6 يېرىم يىللىق كېسىۋېتىلگەن
- مەھمۇد قەشقەرى ۋە ھۈسەيىن تەجەللى ھەيكىلىنىڭ چېقىۋېتىلگەنلىكى دەلىللەندى
- شىنجاڭ ئۇنىۋېرسىتېتنىڭ يۈز يىللىقىدا نېمە ئۈچۈن مەكتەپنى «قىزىل ئىزباسارلارنى تەربىيەلەش مەركىزى» گە ئايلاندۇرۇش تەكىتلەندى؟
- ئۇكرائىنادا «ئۇيغۇرلارنىڭ مۇستەملىكە قىلىنىشى ۋە ئۇكرائىنلارنىڭ تەقدىرى» دېگەن تېمىدا سۆھبەت ئېلىپ بېرىلغان
- ئۇيغۇرلار دۇچ كەلگەن ئىرقىي قىرغىنچىلىققا ئائىت يېڭى كىتاب تۈركىيەدە تارقىتىلىشقا باشلىدى