Түркийиниң токат вилайитидә 'шәрқий түркистан вә хитайниң зулуми' темисида йиғин чақирилди

Түркийиниң токат вилайитидә 12 - айниң 11 - күни чүштин кейин "шәрқий түркистан вә хитайниң зулуми" темисида доклат бериш йиғини чақирилған.
Мухбиримиз әркин тарим
2009.12.16
Share on WhatsApp
Share on WhatsApp
Siyit-Tumturk-GaziOsman-Universitetida-paaliyette-305.jpg Сүрәт, түркийиниң токат вилайитидә 12 - айниң 11 - күни чүштин кейин чақирилған "шәрқий түркистан вә хитайниң зулуми" темисида доклат бериш йиғинидин бир көрүнүш.
RFA Photo / Erkin Tarim

Бу йиғинда токат ғази мустафа камал университети тәрипидин алаһидә тәклип қилинған д у қ муавин башлиқи, сейит түмтүрк әпәнди доклат бәргән. Сейит түмтүрк әпәнди сөзгә башлаштин бурун уйғурларниң тарихи, йәр асти йәр үсти байлиқлири вә бүгүнки вәзийити аңлитилған һөҗҗәтлик филим көрситилгән.

Кейин сейит түмтүрк әпәнди нуқтилиқ һалда үрүмчи вәқәсиниң мәйданға келиш сәвәблири вә үрүмчи вәқәсидин кейин, 17 уйғурға берилгән өлүм җазаси һәққидә тохталған. У һазир хитай түрмисидә йетиватқан бигунаһ уйғурларниң қоюп берилиши, уйғурларға елип бериливатқан өлүм җазасиниң тохтитилиши үчүн дуня дөләтлириниң шундақла түркийиниң хитай һөкүмитигә бесим ишлитиши керәкликини ейтқан.

Йиғин ахирида ғази осман паша университети мудири, проф. Др. Зеһра сейфикли ханим сейит түмтүрккә рәхмәт ейтип тәқдирнамә бәргән.

Йиғинға 500 әтрапида киши қатнашқан. Токат зиярити җәрянида мухбирларни күтүвелиш йиғиниму чақирған сейит түмтүрк әпәнди, токат вилайитидики "қанал 60 телевизийә" қанилида бир саәтлик программиға қатнашқан.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Пикир

Anonymous
Dec 17, 2009 07:53 AM

Бишкәктики 'тәңримакан' ниң пикиригә рәхмәт.

Толуқ бәт