Ministir ömer dincher: 'türkiyide künige 2 dollargha ishlewatqan 20 ming xitay ishchi bar'

Türkiyide "xitayni chüshinish" namliq pa'aliyet dawam qiliwatqan künlerde türk metbu'atlirida arqa - arqidin sherqiy türkistan mesilisi heqqide höjjetlik filimler körsitilmekte, türkiye hökümiti rehberliri xitay heqqide bayanat élan qilmaqta.
Muxbirimiz erkin tarim
2010.10.21
Share on WhatsApp
Share on WhatsApp
ministir-omer-dincher-xitay-turkiye-munasiwiti-305 Sürette, türkiye ishchi we ijtimayi parawanliq ministiri ömer dincher ependi.
RFA Photo / Erkin Tarim

10 - Ayning 19 - küni aqsham sa'et 10 da türkiyining dölet téléwiziyisi bolghan t r t türkte "sherqiy türkistan mesilisi" namliq höjjetlik filim tarqitildi. Bu filimde sherqiy türkistan mesilisining kélip chiqish sewebliri, bügünki ehwali we kélecheki bayan qilin'ghan.

Bu höjjetlik filimde türkiyide Uyghurlar heqqide tetqiqat élip bériwatqan tonulghan mutexesislerdin dr. Erkin ekrem, prof. Dr. Ehed andijan, prof. Dr. Timur qoja'oghlu we dr. Abdulxamit awshar ependilerningmu köz qarashlirigha yer bérilgen.

T r t téléwiziyisi amérikigha mexsus kishi ewetip rabiye qadir xanim bilenmu söhbet élip bérip höjjetlik filimge kirgüzgen. Xitay döliti türk jama'etchilikige xitayni tonushturiwatqan künlerde buning élan qilinishi kishilerning diqqitini qozghidi.
 
Bügün 10 - ayning 21 - küni türkiye ishchi we ijtimayi parawanliq ministiri ömer dincher ependi "weten" gézitige bayanat bérip, türkiyide künige 2 dollargha ishleydighan 20 ming xitay ishchi barliqini éytqan.

Ministir ömer dincher ependi bayanatida yene mundaq dégen: "xitay ishchilarni ishlitiwatqan shirketler némishqa xitay ishchilargha türkiyide qanuniy ishlesh ruxsiti bermeysiler dep xapa boluwatidu. Xitay ishchilar türk ishchilardin bekla yaxshi ishlemdu? türkiyide hazir qanunsiz ishlewatqan 20 ming xitay ishchi bar, buningdin xewiringlar barmu? dep peryat qildi. Türkiyide qurulushta, toqumichiliq saheside ishlewatqan qanunsiz xitay ishchilar ottura hésab bilen ayda 65 dollardin 100 dollarghiqe ma'ash alidu."

Türkiye ishchi we parawanliq ministiri ömer dincher ependi weten gézitige bergen bayanatida, yéqindin buyan xitay ishchilirigha xizmet ruxsiti élish üchün iltimas qiliwatqan xitay ishchilarni ishlitidighan shirketlerning köplükini, bu shirket xojayinlirining özidin, némishqa xitay ishchilirigha ishlesh ruxsiti bermeysiler dep sorawatqanliqini bayan qilip mundaq deydu: "dölitimizde ishsizliq köpiyiwatqan künimizde,xitay ishchilar qiliwatqan ishni türk ishchilarmu qilalaydighan turughluq, xitay ishchilargha türkiyide ishlesh üchün ruxset bérish dölitimiz puqralirigha heqsizliq qilghanliq bolidu."

Ministir ömer dincher ependi bayanatida chet'elliklerge türkiyide ishlesh ruxsiti bérishni asanlashturghanliqini, bu dégenlik hemme kishilerge ruxset bérilidu dégenlik emeslikini éytqan.

Türkiyide "xitayni chüshinish" pa'aliyiti ötküzülüwatqan bügünki künde dölet téléwiziyiside sherqiy türkistan mesilisige yer bérilishidiki sewep néme? xitay ishchilarning türkiyide barghanséri köpiyishidiki sewep néme? dégen'ge oxshash su'allargha jawab tépish üchün qoch uniwérsitéti oqutquchisi prof. Dr. Timur qoja'oghli bilen söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet