Türkiyidiki Uyghurlar roza héytni köngli yérim halda ötküzmekte

12 - Iul, istanbuldiki chaghliyan meydanida ötküzülgen 5 - iyul ürümchi qanliq weqesi üchün ötküzülgen keng kölemlik yighilishdin bir körünüsh.

Bu mubarek künde, musulmanlarning eng büyük arzusi bolsa, héyt namizini islamning shertliri boyiche köngüllük oqush, shundaqla namazdin yénip qebristanliqqa bérip tügep ketken ata - ana, urugh - ‏tughqa we dost ‏ - yarenlirining tupraq béshida olturup qira'et ötküzüsh arqiliq, ularning rohigha allahtin shatliq tilesh bilen birge bir biri bilen héyitlishish arqiliq hal ehwal sorash, öz - ara yardemlishishtin ibaret.

Bu, musulmanlar üchün eng zor meniwi xushalliqtur. Bügün türkiyidiki 75 milyon musulman tentenilik halda rozi héyti ötküzmekte. Undaqta türkiyining istanbul, enqere we qeyseri qatarliq jaylirida olturaqlashqan Uyghurlar bu roza héyitni qandaq ötküzüwatidu? türkiyide pa'aliyet élip bériwatqan sherqiy türkistan ammiwi teshkilat mesulliri héyt munasiwiti bilen dunyadiki Uyghurlargha néme démekchi? türkiyide oquwatqan Uyghur oqughuchilarchu?

Ziyaritimizni qobul qilghanlarning hemmisi oxshashla bu ramazan éyining shundaqla rozi héytining 5 - iyul ürümchi qetli'ami tüpeylidin köngülliri yérim halda ötküzüshkenlikini éytishti.

Yuqiridiki awaz ulinishidin, bu heqtiki melumatimizning tepsilatini anglaysiler.