Uyghur akadémiyisi “Dostimiz ilim - meripet, düshminimiz nadanliq we jahalet”

Merkizi istanbulgha jaylashqan Uyghur akadémiyisi jemi'iytining uyushturushi bilen üchinchi qétimliq Uyghur magistir we doktor oqughuchiliri ilmiy muhakime yighini 23 - dékabirda istanbul zeytiburnu rayonigha jaylashqan déngiz feneri jemi'iyiti yighin zalida “Dostimiz ilim - meripet, düshminimiz nadanliq we jahalet” shu'ari astida échildi.
Ixtiyariy muxbirimiz batur
2012.12.25
uyghur-akamiyisi-ablet-turan-305.png Uyghur akadémiyisining 3-qétimliq échilish murasimida yürek késellikler mutexessisi ablet turan ependi söz qilmaqta
RFA/Batur


Muhakime yighini bashlinishtin burun Uyghur akadémiyisi re'isi ablet turan ependi échilish sözi qilip, yekshenbe künide yiraq - yiqindin kelgen yighin ehlige rehmet éytqandin kéyin, Uyghur akadémiysining pütün Uyghurlarning akadémiyisi ikenlikini, qeyerde bolushidin qeti'iynezer Uyghurlarda hayajan we ümidning yoqalmasliqini tekitlep, köpchilikning Uyghur akadémiysini maddi we meniwi jehettin qollap, heqiqiy bir Uyghur akadémiyisining qurulushigha töhpe qoshushqa chaqirdi.

Uyghur tilining ishlitish da'irisi kündin - kün'ge tariyiwatqan؛ Uyghur tilining zaman tereqqiyatigha maslishalmaywatqanliqi sepsetisi ewj éliwatqan bügünki dewrimizde échilghan bu ilmiy muhakime yighinida, istanbul we enqeredin kelgen Uyghur doktor we magistir oqughuchiliri tarix, iqtisad, tibabet, muhit asrash, hoyla - aram medeniyiti we ma'arip saheliride teyyarlighan maqalilirini sundi.

Uyghur akadémiyisi türkiyide oquwatqan Uyghur magistir we doktor oqughuchilirigha özini yétildürüsh imkaniyiti yaritip bérish we ilham bérish meqsitide, her yili bir qétim türkiyidiki Uyghur oqughuchilar üchün Uyghur tilida ilmiy muhakime yighini uyushturup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.