D u q bash katipi dolqun eysaning Uyghur jasus rishat rejep heqqidiki inkasi

6-Öktebir küni myunxénda ötküzülgen sotta, Uyghur jasus rishat rejep özining jasusluq jinayitini iqrar qilghan idi. 12-Öktebir sotning hökümi élan qilin'ghandin kéyin, gérmaniye axbarat agéntliqi, gérmaniye dolqunliri radi'osi qatarliq bir qisim teshwiqat wasitiliri arqiliq bu toghrisidiki xewerler hemme yerge tarqaldi.

Xewerlerde myunxéndiki xitay konsulxanisining jasusluq heriketliri bilen shughulliniwatqanliqi, Uyghur jasuslirini sétiwélip gérmaniye Uyghurlirining shexsiyitige a'it melumatlarni toplighanliqi, bolupmu bash shtabi myunxén shehiride bolghan d u q we uning rehberlirige a'it melumatlarni toplashqa küch serp qilghanliqi, Uyghur jasusi rishat rejepning asasliq wezipisining myunxéndiki teshkilatlarning türlük pa'aliyetlirining pilan-programmilirini qolgha chüshürüsh bolghanliqi yézilghan.

Rishat rejep mesilisi bügün myunxéndiki Uyghurlar arisidiki qiziq témigha aylinip qaldi. Rishat rejepning bundin kéyinki teqdiri qandaq bolidu? gérmaniyidiki Uyghur jama'iti uninggha emdi qandaq mu'amilide bolidu? xitay hökümiti néme üchün Uyghurlarning shexsiy arxiplirini toplashqa shunche qiziqidu? biz bu so'allarning jawabini d u q bash katipi dolqun eysadin alduq. Diqqitinglar bu söhbet xatiriside bolghay.