Бир уйғур мусапирниң пәряди

Һәр хил бесимлар түпәйлидин өз вәтинидин айрилишқа мәҗбур болған кишиләр мусапир дәп атилиду. Җуғрапийиви алаһидилики түпәйлидин дуняда әң көп мусапир еқип кириватқан дөләтләрдин бири түркийә болуп һазир түркийидә бирләшкән дөләтләр тәшкилати мусапирлар идарисиға панаһлиқ тиләп җаваб күтүватқан мусапирларниң сани 13800 әтрапида болуп, буларниң бәзилири қобул қилидиған дөләт чиқмай 7 - 8 йилдин бери түркийидә яшашқа мәҗбур қалған.
Мухбиримиз әркин тарим хәвири
2008-06-19
Share
musapirliq-yighini1-305 6 - Айниң 14 - күни истанбулда чақирилған мусапирлар мәсилиси йиғинида сөз қиливатқан уйғур мусапир.
RFA Photo / Erkin Tarim
 Бу җәрянда мусапирлар нурғун қийинчилиқларға дучар болмақта. Бу мусапирларниң ичидә уйғурларму бар. Бу мусапирлар дучар боливатқан мәсилиләрни музакирә қилиш вә һәл қилиш йоллирини издәш мәқсиди билән 6 - айниң 14 - күни түркийиниң истанбул шәһридики әрәсин меһманханисида `мултәҗилик сәмпозюму` йәни `мусапирлиқ йиғини` чақирилған иди.

Бу йиғинни түркийә инсаний ярдәм вәхпи билән бирләшкән дөләтләр тәшкилати мусапирлар ишханиси ортақлишип өткүзгән болуп, йиғинниң ахирида түркийидики бирләшкән дөләтләргә илтимас қилип башқа дөләтләргә кетишни күтүватқан чечән, боснийәлик, ирақлиқ, пәләстинлик вә уйғур мусапирларниң вәкиллири сөз қилди.

Улар өз дөләтлиридики сияси иқтисадий бесимлар һәққидә тохтилип өтти. Уйғур дияридин кәлгән исмини ашкарилашни халимиған мусапир йиғинда сөз қилип, хитай һөкүмитиниң уйғурларға қиливатқан бесимини аңлатти. У сөзидә дуня дөләтлирини шәрқий түркистан мәсилисигә көңүл бөлүшкә чақирди. Униң қилған сөзи бир қанчә тилға тәрҗимә қилинди. Биз исмини ашкарилашни халимиған бу уйғур мусапирниң йиғинда қилған сөзидин арийәләр аңлитимиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт