Bir Uyghur musapirning peryadi

Her xil bésimlar tüpeylidin öz wetinidin ayrilishqa mejbur bolghan kishiler musapir dep atilidu. Jughrapiyiwi alahidiliki tüpeylidin dunyada eng köp musapir éqip kiriwatqan döletlerdin biri türkiye bolup hazir türkiyide birleshken döletler teshkilati musapirlar idarisigha panahliq tilep jawab kütüwatqan musapirlarning sani 13800 etrapida bolup, bularning beziliri qobul qilidighan dölet chiqmay 7 - 8 yildin béri türkiyide yashashqa mejbur qalghan.
Muxbirimiz erkin tarim xewiri
2008-06-19
Share
musapirliq-yighini1-305 6 - Ayning 14 - küni istanbulda chaqirilghan musapirlar mesilisi yighinida söz qiliwatqan uyghur musapir.
RFA Photo / Erkin Tarim
 Bu jeryanda musapirlar nurghun qiyinchiliqlargha duchar bolmaqta. Bu musapirlarning ichide Uyghurlarmu bar. Bu musapirlar duchar boliwatqan mesililerni muzakire qilish we hel qilish yollirini izdesh meqsidi bilen 6 - ayning 14 - küni türkiyining istanbul shehridiki eresin méhmanxanisida `multejilik sempozyumu` yeni `musapirliq yighini` chaqirilghan idi.

Bu yighinni türkiye insaniy yardem wexpi bilen birleshken döletler teshkilati musapirlar ishxanisi ortaqliship ötküzgen bolup, yighinning axirida türkiyidiki birleshken döletlerge iltimas qilip bashqa döletlerge kétishni kütüwatqan chéchen, bosniyelik, iraqliq, pelestinlik we Uyghur musapirlarning wekilliri söz qildi.

Ular öz döletliridiki siyasi iqtisadiy bésimlar heqqide toxtilip ötti. Uyghur diyaridin kelgen ismini ashkarilashni xalimighan musapir yighinda söz qilip, xitay hökümitining Uyghurlargha qiliwatqan bésimini anglatti. U sözide dunya döletlirini sherqiy türkistan mesilisige köngül bölüshke chaqirdi. Uning qilghan sözi bir qanche tilgha terjime qilindi. Biz ismini ashkarilashni xalimighan bu Uyghur musapirning yighinda qilghan sözidin ariyeler anglitimiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet