Uyghur qelemkeshler merkizi heqqide toluqlima melumatlar

Muhajirettiki Uyghur ziyalyliri, Uyghur mesilisini dunyagha anglitish üchün, xelq'aradiki barliq mümkinchiliklerdin paydilinishqa tirishmaqta. 2006 ‏ - Yili shiwétsiyide qurulghan we ötken hepte xelq ara qelemkeshler merkizining resmiy ezaliqigha qobul qilin'ghan Uyghur qelemkeshler merkizi mana bu tirishchanliqning bir mehsulidur.
Muxbirimiz shöhret hoshur
2008-10-03
Share
Uyghur-pen1-305.jpg Uyghur qelemkeshler merkizining tor bétining körünüshi.
www.uyghurpen.com Din élindi

Uyghur qelemkeshler merkizining bash katipi qeyser abdurusulning bildürüshiche, xelq'ara qelem merkizi b d t teripidin terepsizliki we ixtisaslashqanliqi étirap qilin'ghan 3 chong ammiwi teshkilatning biridur. Bu üch teshkilat, xelq'ara qizil krést jem'iyiti, kechürüm teshkilati we xelq'ara kechürüm teshkilatidur.

Xelq'ara qelemkeshler jemiyitining her yili b d t turushluq ikki neper wekili bar, ular her yili dunyadiki qelemkeshler mesilisi heqqide b d t gha doklat béridu, doklat, b d t teripidin ishenchlik paydilinish matériyali süpitide qobul qilinidu. Mana bu nuqtini nezerde tutqan qeyser abdurusul, Uyghur qelemkeshliri merkizining ghayisi, Uyghur mesilisini, b d t gha qelem ishliri nuqtisidin kün tertipke ekilish dep bildüridu.

Qeyser abdurusulning yene bildürishiche, xelq'ara qelem merkizi öz teshkilatlirining dunyadiki herqandaq dölet, partiye we guruhqa béqinmasliqni telep qilidu. Shunga Uyghur qelemkeshliri teshkilati dunyadiki herqandaq bir Uyghur teshkilati bilen teshkiliy munasiwette bolalmaydu, emma bu dégenlik, Uyghur milliy herikiti bilen héchqandaq alaqisi yoq dégenlik emes. Uyghur qelemkeshler merkizi bashqa Uyghur teshkilatliri bilen uchur almashturush, weziyetni közitish we bashqa jehetlerde dawamliq alaqide bolidu.

Qeyser ependining bildürüshiche, Uyghur qelemkeshliri merkizining teshkiliy apparati yenila qurulush basquchida, bundin kéyin bu apparatning mukemmellishish we xelq'ara qelemkeshler merkizining gholluq bir ezasigha aylinish mumkinchiliki tamamen mewjut. Uning bildürüshiche yene, Uyghur qelemkeshler merkizi xelq'aradila emes, Uyghurlar ichidimu tonulush basquchida, dunya Uyghur qurultiyining re'isi rabiye qadir xanim bu teshkilatning aktip qollighuchiliridin biri.

Hörmetlik oqurmenler, yuqirida biz silerge Uyghur qelemkeshler merkizi heqqide toluqlima melumatlar berduq.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet