Uyghur tamaqliri xelq'araliq yémek - ichmek yermenkiside

Yémek - ichmek bir milletning medeniyitini belgileydighan eng muhim amillardin biri. Uyghur tamaqliri Uyghurlarning tarixidek qedimiy tarixqa ige bolup, Uyghur mesilisining xelq'aralishishi we dunyawilishishigha egiship Uyghur yémek - ichmeklirimu xelq'arada tonulushqa bashlidi.
Muxbirimiz erkin tarim
2008.11.04
Share on WhatsApp
Share on WhatsApp
Uyg-tamaq-turkiye-305.jpg Enqerede dawam qiliwatqan xelqaraliq yémek - ichmek yermenkisi 10 - ayning 26 - künidin 11 - ayning 23 - künigiche dawam qilidighan bolup, sürette, shu yermenkide alqishlargha érishiwatqan uyghur tamaqlirining örnekliridin körünüsh.
RFA Photo / Erkin Tarim

Burun Uyghur tamaqliri peqetla xitay we ottura asiya türkiy jumhuriyetliridila yaxshi tonulghan bolsa, hazir yawropa, kanada, türkiye we amérikidimu asta - asta tonulushqa bashlandi. Uyghur tamaqliri bir heptidin buyan türkiyining enqere shehrining chanqaya rayonida ötküzülüwatqan xelq'araliq yémek - ichmekler yermenkiside körsitilmekte.

Bu yermenkige özbékistan, türkmenistan, iran, tayland, ezerbeyjan we türkiye qatarliq döletler qatnashmaqta bolup, hemme dölet özlirining milli tamaqlirini satmaqta. Uyghurlardin abdullah aqyol isimlik kishi, a'ilisi bilen birlikte bu yermenkige qatnashmaqta bolup, Uyghurlarning polu, manta, chöchüre, yutaza we kawap qatarliq yémeklirini satmaqta.

Her küni yüzlerche kishi Uyghur tamiqi tonushturuluwatqan bölümge kélip, Uyghur tamaqlirining temini tétiwatqan bolup, bir qétim yégen kishi etisi küni yene kélip yewétiptu. Biz bu yermenkide Uyghur tamaqlirini tonushturuwatqan abdullah aqyol, we Uyghur tamiqi yewatqan xéridarlargha mikrofonimizni uzattuq. Xéridarlarning hemmisi birdek Uyghur tamiqining bekla temlik ikenlikini éytishti.

Qimmetlik oqurmenler, enqerening chanqaya rayonida dawam qiliwatqan xelq'araliq yémek - ichmek yermenkisi 10 - ayning 26 - künidin 11 - ayning 23 - künigiche dawam qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.