0:00 / 0:00
بۇ يەرمەنكىگە چەتئەلدە تىجارەت قىلىۋاتقان ئىككى ئۇيغۇر شىركىتى قاتناشقاندىن باشقا، ئەنقەرەدە ئاشخانا ئېچىۋاتقان راخمان ھاسانئوغلۇ ئىسىملىك بىر ئۇيغۇر ئاشپەز ئۇيغۇر تاماقلىرىنى تەييارلاپ ساتتى.
9 - ئاينىڭ 25 - كۈنىدىن 10 - ئاينىڭ 5 - كۈنىگىچە داۋام قىلغان يەرمەنكىنى ئون مىڭلارچە كىشى زىيارەت قىلغان بولۇپ، ئۇيغۇر تىجارەتچىلەر بۇ يەرمەنكىدە ئۇيغۇر ھۈنەر - سەنئەت بويۇملىرىنى ساتتى.
بۇ يەرمەنكىدە ئۇيغۇر تائاملىرىمۇ يەرمەنكىنى ئايلىنىۋاتقان كىشىلەرنى ئۆزىگە جەلىپ قىلغان. ئۇلارنىڭ دېيىشىچە بۇ خىل خەلقئارالىق يەرمەنكىلەر ئۇيغۇر مەدەنىيىتىنى دۇنياغا ئاڭلىتىش ئۈچۈن ئىنتايىن مۇھىم ئىكەن.
يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.