Uyghur wekilliri yalta yighini échilghan sarayni ziyaret qildi

Türk dunyasi yashliri qurultiyining kün tertipige binaen 8 - ayning 13 - küni chüshtin kéyin qurultay wekillirining bir qismi tarixi ehmiyetke ige yalta yighini échilghan sarayni ziyaret qildi. Sürette, d u q bash katiwi dulqun eysa ependi, liwadiya sariyining eyni chaghdiki "yalta yighini" élchilghan zalini ziyaret qilmaqta.

Qurultayning kün tertipige bina'en 8 - ayning 13 - küni chüshtin kéyin qurultay wekillirining bir qismi tarixi ehmiyetke ige yalta yighini échilghan sarayni ziyaret qildi.

Bu sarayning ismi liwadiya sariyi bolup, bu saray 1861 - yilidin béri char rusiye padishahliri üchün yazliq saray qilip ishlitilgen. Bu saray 2 - dunya urushi axirlishish  aldida sowét ittipaqi rehbiri sitalin, en'giliye rehbiri churchil we amérika prézidénti ruzwélt 1945 - yili 2 - ayning 4 - künidin 11 - künigiche  yighin échip, dunyaning teqdirini belgiligen jay dep hésablinidu.

Bezi tarixchilar Uyghurlarning bügünki teqdiriningmu bu jayda belgilen'genlikini ilgiri sürmekte. Biz bügün yaltada qurultaygha qatnishiwatqan Uyghur wekiller bilen birlikte bu tarixi sarayni ziyaret qilduq.

Yuqiridiki awaz ulinishidin, bu heqtiki melumatimizning tepsilatini anglaysiler.