Uyghurlar pelestinliklerni qollash namayishigha qatnashti

Isra'iliye armiyisi pelestinning ghezze shehirini bombilashqa bashlighan kündin tartip, türkiyining eng chong ammiwi teshkilatliri türkiyining herqaysi jaylirida namayishlar uyushturup, isra'iliyige naraziliq bildürüp, pelestinni qollap quwwetleydighanliqini bildürüshmekte.
Muxbirimiz erkin tarim
2009-01-18
Share
Uyg-pelestin-namayish1-305 Bügün yeni 1 - ayning 18 - küni, enqerening merkizidiki sihhiye meydanida "hemmimiz pelestinlik " témisida namayish ötküzüldi. Sürette, sherqiy türkistan medeniyet we hemkarliq jemiyiti enqere shöbisi uyghurlar namayishta.
RFA Photo / Erkin Tarim

Türkler isra'iliyini bu urushni toxtitishqa chaqirmaqta. Bügün yeni 1 - ayning 18 - küni chüshtin kéyin sa'et birde enqerening merkizidiki sihhiye meydanida "hemmimiz pelestinlik " témisida namayish ötküzüldi.

Bu namayishqa türkiyide pa'aliyet élip bériwatqan ammiwi teshkilat we xelqtin bolup 20 ming etrapida kishi qatnashti.

Bu pa'aliyetni türkiyining eng chong ammiwi teshkilatliridin mezlumder, haqish we kadirlar uyushmisi uyushturghan bolup, Uyghurlargha wakaliten sherqiy türkistan medeniyet we hemkarliq jem'iyiti enqere shöbisimu qatnashti.

Bu namayishchilar qolida pelestin bayriqi bilen ay yultuzluq kök bayraqni kötürgen halda " hemmimiz pelestinlik, pelestinlikni qollap quwwetleymiz" dégendek sho'arlarni towlashti.

Biz bu namayishqa qatnishiwatqan sherqiy türkistan medeniyet we hemkarliq jem'iyiti enqere shöbisi bashliqi hayrullah efendigil ependi bashchiliqidiki bir guruppa Uyghurgha mikrafonimizni uzattuq.

Yuqiridiki awaz ulinishidin, muxbirimiz erkin tarimning bu heqtiki tepsili melumatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet