Chet'ellerde oqup weten'ge qaytqan Uyghur ziyaliyliri nurghun 'qizil chiraqlar'gha yoluqmaqta

Bügün shinjang xewerler torida bérilgen xewerde körsitishiche, "ürümchi sheherlik chet'elde oqup qaytqanlar igilik tiklesh merkizi" bilen xitay adem küchi bayliqi we ijtima'iy kapalet ministirliqi yéqindin hemkarliship, bundin kéyin chet'ellerde oqup ürümchide xizmet qilmaqchi bolghanlarni döletning herjehettin étibar bérish siyasitige érishtüridiken.
Muxbirimiz irade
2010-04-02
Share
Urumqi-dong-kowruk-ishsiz-Uyghurlar-305.jpg Süret, ürümchi döng köwrük doqmushta birkar olturushqan ishsiz uyghurlardin bir körünüsh.
RFA File

Xewerde déyilishiche, chet'ellerde oqup qaytqanlarning eng yéngi pen - téxnikilardin xewerdar bolushtek alahidilikidin paydilinip Uyghur aptonom rayonining iqtisadiy tereqqiyatini ilgiri sürüsh üchün ularning alahidiliki jari qildurulidiken.

Biz bu heqte yaponiyide oqup doktorluq unwanini alghandin kéyin hazir amérikida xizmet qiliwatqan bir Uyghur ziyalisi bilen téléfon ziyariti élip barduq.

Bu Uyghur ziyalisi xitay hökümitining bu xil chet'eldin qaytip kelgenlerge étibar bérish chaqiriqining yéngi gep emeslikini, emma weten'ge qaytqan Uyghur alimlirining qatmu - qat tosalghulargha uchraydighanliqini bildürdi.

Uning körsitishiche, weten'ge qaytqan Uyghur alimliri qattiq riqabetke duch kélidighan bolup, bu xil "étibar bérish" siyasitidin behriman bolalaydighan Uyghurlar intayin az iken. U, gerche xitay hökümiti dewatqan bu söz pütünley quruq shu'ar dep qarimisimu, emma uni Uyghurlargha qaritilghan déyishke bolmaydighanliqini, buningdin payda éliwatqanlarning yenila xitaylar ikenlikini éytti.

Bu Uyghur ziyalisi bizge yene, amérika, yawrupa we yaponiye qatarliq tereqqi qilghan döletlerde tilni mukemmel bilish dep shert qoyulmaydighanliqini, bu döletlerde nurghun Uyghur alimlirining netije yaritiwatqanliqini bildürdi.


Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet