Хитай консулханисиға иптарға барған уйғур қизи

Мисирлиқ профессор доктор җалалидин ислами өзиниң әлиман тор бетидә, йеқинда қирғизистандики хитай әлчиханисиниң қурбан һейтни күтүвелиш мурасимиға қатнашқан тәсиратини баян қилған.
Ихтияри мухбиримиз қутлуқ
2012-11-23
Елхәт
Пикир
Share
Принт
Хитайниң әнқәрәдики әлчиси гоң шявшәң хитай мәдәнийәт йилини елан қилди. 2011-Йили 6-декабир, түркийә.
Хитайниң әнқәрәдики әлчиси гоң шявшәң хитай мәдәнийәт йилини елан қилди. 2011-Йили 6-декабир, түркийә.
RFA/Erkin Tarim


У баянида «қурбанлиқтин кейин, чошқа гөши йегән шәрқий түркистанлиқлар» сәрләвһилик мақалисини елан қилғандин кейин, униң әрәб бирләшмә хәлипиликидики мисирлиқ дости журналист йәһя боади өзиниң илгири хитай консулханисида көргәнлири һәққидә язған бир қисим мақалилирини җалалидин исламиға йоллап берип, әлиман тор бетидә елан қилишни һавалә қилған.

Журналист йәһя боади мақалисини мундақ башлайду:

2011 - Йили 8 - айниң 31 - күни иди. Дубәйдики әрәб журналистлардин үчимиз хитай консулханисиниң алаһидә тәклипи билән хитай консулханиси орунлаштурған иптарлиқ зияпәткә қатнаштуқ. Зияпәткә асаслиқи хитайдики мусулманлардин уйғур, туңганлардин болуп,җәмий 150 йеқин киши қатаншқан иди. Алди билән хитай консулханисиниң баш консули җаң җинбав иптарлиқ зияпәтниң нутиқини сөзләшкә башлиди у сөзидә, әрәб бирләшмә хәлипиликидики җуңголуқ һәр милләт мусулман аммисиниң хитай консулханисиниң рәһбәрликидә вәтәнни сөйүш, милләтләр иттипақлиқини һимайә қилиш, коммунистик партийә билән охшаш қәдәм ташлап,хитай дөлитиниң парлақ келәчики үчүн һәссә қошушқа тиришишини вә өзиниң һөкүмәткә вакалитән бу қетимқи иптарлиқ зияпитини бериватқанлиқини шуңлашқа җуңголуқ һәр милләт мусулманлириниң вә башқа чәтәллик мусулманларниң рамизан ейида берилидиған закатлирини хитайдики йәр тәврәш апитигә учриған қериндашлириға ярдәм қилишини, чәтәлдики шәрқий түркистан мустәқилчилиригә закат бәрмәсликини вә бундақ әһваллар байқалғанда дәрһал консулханигә мәлум қилишни өтүнүп сорайдиғанлиқини билдүрди.

Әмәлйәттә бу қетимқи иптар, намда иптар зияпити дегини билән, тиги - тәкитидин алғанда, шәрқий түркистан мустәқилчилиригә берилидиған закатниң алдини елиш тәшвиқат йиғини иди. Баш консулниң сөзи түгәш биләнла, биз баш консулниң йениға саламға берип, униңға бизни зияпәткә тәклип қилғанлиқиға минәтдарлиқ билдүрүп қоювататтуқ, тосаттинла униң йениға 30 яшлар чамисидики чачлири арқисиға әркин қоювитилгән, ақ пишмақ кәлгән, чирай шәкли хитайлардин көп пәрқлинидиған, рәңлик йипәк арилаш йеңичә пасунда ғәрбчә непиз кийимләрни кийгән, чимчилақ қолиға техи бойтақлиқ бәлгиси үзүки селинған, көкси йерим очуқ бир қиз дәрһал йүгүрүп келип, униң қулиқиға қандақтур бирнимиләрни пичирлиғандин кейин,баш консул дәрһал биздин һөзүр тиләп қоюп,у қиз билән биргә алдирап сиртқа чиқип кәтти. Биз үчәйлән сорунда бир яқта олтуруп рамизан ейиниң хасийити вә әһмийити һәққидә қизғин параңға чүшүп кәттуқ. Шу әснада байиқи бизниң баш консул билән сөһбитимизни бөлүвәткән қиз қолида шәрбәт қоюлған истаканини көтүрүп, йенимизға келип салам берип, биздин баш консул билән болған байиқи сөһбитимизни бузувәткәнликигә әпу сорап, раван әрәб тилида сөзләшкә башлиди. Мән бу қизниң әрәб тилида бундақ татлиқ сөзлишидин һәйран қилип, сиз ливанлиқму дәп сорудум. У, қиз виллидә күлүп қоюп, яқ, мән ливанлиқ әмәс, җуңголуқ деди. Мән алдирақсанлиқимдин, һә билдим...Сиз хитай әмәс, сиз шәрқий түркистанлиқ уйғур дейишимгә қиз қандақтур бир немидин чөчүгәндәк, чирайи татирип кәтти вә астағина мән уйғур дәп җаваб бәрди. Йенимдики достум дәрһал һә...Мундақ дәң қиз....Сиз җуңголуқ, дәп сөһбәттики җиддий кәйпиятни тәңшиди. Қиз сөзини давамлаштуруп «мән сизни пат - пат истанбул қәһвәханисида көрүп қалимән» деди. Мән җавабән «шундақму...Мениң дубәйдә бир қисим уйғур достлирим бар. Мән улар билән пат - пат параңлишип туримән, - дедим вә қизға нам шәрәп картушкамни сунуп, - халисңиз мән билән алақилишиң» дедим. Қиз разимәнлик билән картушкамни елип, өзиниң картушкисини маңа бәрди. Мән униң картушкисини сомкамға салғичә диққәт қилсам, исим картушкисида қәдирийә дегән исим билән дубәйдики хитайниң сода учур алақә ширкити мулазимәтчиси дәп йезилған иди. Мән бу ширкәтни наһайити обдан биләттим. Бу ширкәт сода учур алақә ширкити әмәс, бәлки шәрқий түркистан мустәқилчилириниң оттура шәрқтики һәрикитини, болупму дубәйдики сода ишлирини назарәт қилиш вә содида уларни вәйран қилиш қатарлиқ һәрикәтләрдә болдиған ширкәт иди. Мән бу ширкәт тоғрисида толуқ мәлуматқа игә идим. Мана әмди бу қизниң салаһийитини билдим. Иптар ахирлишип биз һәммимиз хошлишип өз йолимизға раван болдуқ.

Мән деңиз яқисики палма дәрәхлири арисида өйгә китивитип, шәрқий түркистанлиқ қиз қәдирийә һәққидә өз - өзүмгә пичирлашқа башлидим: һәй...Бичарә уйғур қизи, сән бәлки қуран кәрим назил қилинған рамизан айлиридики мубарәк қәдир кечиси күнлиридә туғулған болсаң, атаң саңа қәдир кечисидики қәдирни нам қилип қойған болуши мумкин вә яки сени мәңгү қәдирлик болсун, хәлқини, туприқини, вәтинини қәдирлисун дәп ойлиғанмикин. Ким билиду, сениң рамизан айлиридиму көксүңни ечип, хәлқиңниң дүшмәнлириниң әтрапида кепинәктәк учуп, өз хәлқиниң күрәшчилирини, хитайлар билән биргә овлап йүрүшүңни. Аллаһ саңа инсап бәрсун уйғур қизи, - дедим. Мән өйүмгә қандақ келип қалғинимниму билмәй қаптимән.

Журналист йәһя боади мақалисини мундақ ахирлаштуриду:

Бир милләттики қиз - аялларниң әхлақиниң бузулуши, шу милләттики әркәкләрниң мәсулийитидур. Қиз - аяллардики әхлақ бузулғанда милләт харабилиққа йүзлиниду. Милләтниң асасий әхлақтур.

Биз бу мунасивәт билән сәуди әрәбистандики журналист сираҗидин әзизи билән телефон зиярити елип бардуқ.

Пикирләр (0)
Share
Толуқ бәт