"Хитай һөкүмити қанунсиз һәрикәтлирини дәрһал тохтитиши керәк"

Хитайниң җамаәт хәвпсизлик министирлики дөләт байримини қоғдаш тоғрисида мәхсус уқтуруш тарқитип, 'җәмийәттә һәрхил зиддийәтләр мурәккәпләшти, һазир җәмийәтниң муқимлиқини сақлаш җәһәттә вәзийәт йәнила наһайити кәскин,' дәп көрсәткән.
Мухбиримиз вәли
2008-10-01
Share
saqchi-uyghur-qiz-tekshurush-305 Уйғур елидики тәкшүрүш понкитлириниң биридә, хитай сақчи бир уйғур қизниң салаһийитини тәкшүрүп сорақ қилмақта. (Орни вә вақти ениқ әмәс)
AFP Photo

Нур бәкри хитайниң дөләт байримини қоғдаш тәдбирлирини орунлаштурған

Хитай җамаәт хәвпсизлик министирликиниң бу көрсәтмисидин кейин, хитайниң уйғур аптоном районлуқ һөкүмәт тор бетиниң хәвиридә баян қилинишичә, хитайниң аптоном район рәиси нур бәкри хитайниң дөләт байримини қоғдаш тәдбирлирини оттуриға қоюп, мусулманларниң рози һейти җәрянида уйғурларға қарита үч хил күчләргә қаттиқ зәрбә бериш һәрикити елип беришни, саяһәт қилғучиларни қаттиқ тәкшүрүшни, җайларда һөкүмәт кадирлири аилиләргичә берип тәкшүрүш елип беришни тәкитлигән.

Дуня уйғур қурултийиниң баянатчиси дилшат решитниң ейтишичә, хитай һөкүмити 'дөләт байриминиң бихәтәрликини қоғдаш' дегән нам билән һазир уйғур юртлирида адәм тутуш, ахтуруш һәрикитини елип бериватиду.

Хитай һөкүмити һазир уйғурларниң өз - ара бериш - келиш қилишиниму чәклимәктә

Дуня уйғур қурултийиниң баянатчиси дилшат решитниң ейтишичә, хитай һөкүмити мусулманларниң рози һейти мәзгилидә, үрүмчидә кимлик рәсмийити йоқ кишиләрни тутуватиду, шәһәрдин қоғлаватиду. Қәшқәр, ғулҗа, хотән йезилиридиму уйғурларниң өз - ара бериш келиш қилишини чәкләватиду.

Хитай өзиниң дөләт байрими үчүн уйғурларниң кишилик һоқуқини дәпсәндә қилидиған қанунсиз һәрикәтлирини дәрһал тохтитиши керәк

Дуня уйғур қурултийиниң баянатчиси дилшат решит елан қилған баянатида, хитай өзиниң дөләт байрими үчүн уйғурларниң кишилик һоқуқини дәпсәндә қилидиған қанунсиз һәрикәтлирини дәрһал тохтитиши керәк, дәп тәкитлиди. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт