Uyghur ilige yene zor kölemde köchmen yötkesh dolquni qozghilish aldida turmaqta

Xitay hökümiti téxi yiqindila Uyghur ilige 6 milyon xitay köchmenni yerlikleshtürüsh xizmitini bashlighan idi. Xitay teshwiqat wastiliri emdi, sheherlishish sür'iti 1. 25% Bilen tereqqiy qiliwatqan Uyghur ilide 2030 - yiligha barghanda sheherlishish nispitini 66% - 68% ge kötürüp, sheher nopusini 20 milyon'gha yetküzüsh pilanining yolgha qoyulidighanliqini élan qildi.
Ixtiyari muxbirimiz ekrem
2012-07-27
Share
kochmen-305 2009-Yili 1-séntebir küni uyghur élige qarap yolgha chiqmaqchi bolghan xitay köchmenliri lenjudiki poyiz istansisida dem almaqta.
AFP Photo


Shinxu'a agéntliqi we xelq torining xitayche qanallirida 27 - iyul küni bu toghriliq élan qilin'ghan xewerlerge qarighanda, Uyghur diyari hökümet da'iriliri bu yil 2 - ayning 30 - küni "Shinjyangning sheher sistimisi pilani" ni tüzüp chiqqan bolup, pilanda yéza nopusining sheherlishish qedimini 2015 - yiligha barghanda 48%ke, 2020 - yiligha barghanda 58%ke, 2030 - yiligha barghanda 66% - 68% ke qeder yetküzüp, sheher nopusini 20 milyondin ashuridiken. Bu pilan Uyghur diyarida "Halqima tereqqiyat" ni yolgha qoyushning mehsuli bolup, xitay merkizi komitéti teripidin testiqlan'ghan haman ijra qilinidiken.

"Shinjyangning sheher nopusi 2030 - yili 20 milyon'gha yétidu" namliq bu xewerde körsitilishiche, bu xil sheherlishish qurulushi Uyghur wetinide köp miqdardiki yéza tupraqlirini bikarlaydiken. Yeni, yéngidin sheher qurush üchün kérek bolghan zéminlarni hazirlaydiken. Hazir mewjut bolghan su menbelirini muhapizet astigha alsa, nopusi 500 mingdin yuqiri bolghan ottura we chong sheherlerni köpeytip qurup, yéza nopusini zor derijide kémeytkili bolidiken.

Chet'eldiki Uyghur ziyaliyliri xitay hökümitining ezeldin su mesilisi hel bolmay kéliwatqan qeshqerde 2011 - yili tosattin mol yer asti su menbesining bayqalghanliqini élan qilishidiki gherezning we bu elni xitayning 19 ölkisige bölüp bérip, atalmish halqima tereqqiyatni barliqqa keltürüshtiki meqsetning zor kölemde köchmen yötkep, öz wetinide Uyghurlarni az sanliq haletke chüshürüp, üzül - késil assimiliyatsiye qilip yoqitishtin ibaret ikenlikini tekitlep kelgen idi.

Uyghur ilide sheher nopusini 20 milyon'gha yetküzüsh pilani nimidin dérek béridu? bu pilan yerlik xelq bolghan Uyghurlargha payda élip kélemdu yaki ziyanmu? bu ziyanning aldini qandaq élish mumkin? biz bu so'allargha jawab tépish üchün d u q ijra'iye komitéti re'isi dolqun eysa ependi bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet