Д у қ һәйити түркийә парламент башлиқи коксал топтан билән көрүшти

Хитай хәлқ қурултийи башлиқи ву баңгониң тәклипигә бинаән рәсмий зиярәт үчүн бейҗиңға барған түркийә бүйүк милләт мәҗлиси башлиқи коксал топтан башчилиқидики 6 кишилик һәйәт 6 - апрелдин 12 - апрелғичә хитайға елип барған зияритини ахирлаштуруп түркийигә қайтти.
Мухбиримиз әркин тарим хәвири
2008.04.16
Share on WhatsApp
Share on WhatsApp
  Түрк мәтбуатлирида йәр алған хәвәрләргә қариғанда бу қетимқи зиярәт җәрянида болупму уларниң хитай баш министири вин җябав билән елип барған учришишида уйғур мәсилисиму күн тәртипкә кәлгән.

Түркийә парламент башлиқи коксал топтан башчилиқидики 6 кишилик һәйәт хитай зияритини ахирлаштуруп түркийә қайтиши биләнла, дуня уйғур қурултийи муавин рәиси сейит түмтүрк әпәнди, д у қ тәптиш һәйити әзаси һайруллаһ әфәндигил әпәндиләр уларни зиярәт қилип хитай зиярити һәққидә мәлумат игилиди вә уларға уйғурларниң бүгүнки вәзийити һәққидә мәлумат бәрди. 14 - Април күни түркийә парламентида елип берилған бу учришишта түркийә парламент башлиқи коксал топтан вә парламент әзаси салман котан ханим өзлириниң хитай зиярити һәққидә мәлумат бәрди.

Д у қ һәйити болса хитай һөкүмитиниң уйғурларға елип бериватқан бесими һәққидә мәлумат бәрди. Биз бу зиярәт ахирлашқандин кейин сейит түмтүрк әпәндигә микрофонимизни узаттуқ. Д у қ муавин рәиси сейит түмтүрк әпәнди түркийә хитай мунасивитидә шәрқий түркистан мәсилисидә көп илгириләш пәйда болғанлиқини бурун хитайниң ички иши дәп йеқин кәлмигән түркийә җумһурийитиниң әмди уйғур мәсилисигә өз қериндишиниң мәсилиси дәп қарашқа башлиғанлиқини илгири сүрди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт