D u q hey'iti türkiye parlamént bashliqi koksal toptan bilen körüshti

Xitay xelq qurultiyi bashliqi wu banggoning teklipige bina'en resmiy ziyaret üchün béyjinggha barghan türkiye büyük millet mejlisi bashliqi koksal toptan bashchiliqidiki 6 kishilik hey'et 6 - apréldin 12 - aprélghiche xitaygha élip barghan ziyaritini axirlashturup türkiyige qaytti.
Muxbirimiz erkin tarim xewiri
2008.04.16
Share on WhatsApp
Share on WhatsApp
  Türk metbu'atlirida yer alghan xewerlerge qarighanda bu qétimqi ziyaret jeryanida bolupmu ularning xitay bash ministiri win jyabaw bilen élip barghan uchrishishida Uyghur mesilisimu kün tertipke kelgen.

Türkiye parlamént bashliqi koksal toptan bashchiliqidiki 6 kishilik hey'et xitay ziyaritini axirlashturup türkiye qaytishi bilenla, dunya Uyghur qurultiyi mu'awin re'isi séyit tümtürk ependi, d u q teptish hey'iti ezasi hayrullah efendigil ependiler ularni ziyaret qilip xitay ziyariti heqqide melumat igilidi we ulargha Uyghurlarning bügünki weziyiti heqqide melumat berdi. 14 - April küni türkiye parlaméntida élip bérilghan bu uchrishishta türkiye parlamént bashliqi koksal toptan we parlamént ezasi salman kotan xanim özlirining xitay ziyariti heqqide melumat berdi.

D u q hey'iti bolsa xitay hökümitining Uyghurlargha élip bériwatqan bésimi heqqide melumat berdi. Biz bu ziyaret axirlashqandin kéyin séyit tümtürk ependige mikrofonimizni uzattuq. D u q mu'awin re'isi séyit tümtürk ependi türkiye xitay munasiwitide sherqiy türkistan mesiliside köp ilgirilesh peyda bolghanliqini burun xitayning ichki ishi dep yéqin kelmigen türkiye jumhuriyitining emdi Uyghur mesilisige öz qérindishining mesilisi dep qarashqa bashlighanliqini ilgiri sürdi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.