'Хитайниң рабийә ханимға қарши һуҗумлири үзлүксиз мәғлуп болмақта'

Сүрәттә, рабийә ханим вә д у қ рәһбәрлири йаврупа парламентиниң муваин рәси либор роуҗәк билән биргә.

Бу мунасивәт билиән, хитай мәтбуатлири алдинқи күнлири мақалилар елан қилип, германийә һөкүмитидин рабийә ханимниң бу йәрмәнкигә қатнаштурулмаслиқини тәләп қилған вә әксичә болғанда, икки дөләт оттурисидики мунасивәткә тәсир йетидиғанлиқини әскәртип, германийә тәрәпкә бесим ишлитишкә урунған.

Д у қ муавин рәиси әсқәрҗан әпәндиниң билдүрүшичә, бу қетимқи йәрмәнкидә хитай тәрәп шәрәп меһмини салаһийити билән қатнишидиған болуп, һәр йили бирла дөләткә берилидиған бу имтиязға еришкән хитай һөкүмити өз һоқуқидин пайдилинип, рабийә қадир ханимниң паалийәтлирини чәкләш үчүн қолидин келидиғанлики васитиләрни ишқа селишқа башлиған.

Әсқәрҗан әпәнди, хитай тәрәпниң рабийә ханимниң бу қетимқи йәрмәнкигә қатнишишини чәклийәлмәйдиғанлиқини, рабийә ханимниң бу йәрдики паалийәтлириниң ялғуз йәрмәнкигә қатнишиш биләнла түгимәйдиғанлиқини вә бәзи муһим сиясий паалийәтләр биләнму шуғуллинидиғанлиқини тәкитлиди.

Әсқәрҗан әпәнди йәнә, бир қанчә йиллардин буян хитай һөкүмитиниң барлиқ чарә - амаллар билән рабийә ханимниң паалийәтлирини чәкләшкә урунуп кәлгән болсиму, ахирқи һесабта п мәғлуп болғанлиқини тилға елип, ахирқи бир нәччә ай ичидә йүз бәргән вәқәләрни әслитип өтти.

У йәнә, хәлқаралиқ бир мәсилә һалиға келип болған уйғурлар мәсилисини чәкләшкә әмди хитайниң қурбити йәтмәйдиғанлиқини, ғәрб демократик әллириниң уйғурларниң дәвасини қоллаватқанлиқи вә қоғдаватқанлиқини тәкитлиди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.