Xitaydiki ishsizliq nisbiti téximu éghirlishishi mumkin

Xitayning munasiwetlik organliri élan qilghan sanliq melumatlargha qarighanda, xitay sana'et mehsulat miqdarliri 11 - ayda 10 - aydikidin 2.8 Pirsent töwenligen.
Muxbirimiz jüme
2008-12-19
Share
Gansu-saqchi-305.jpg Sürette, gensu longnendiki naraziliq namayishida, xitay saqchiliri bir namayishchini tepmekte.
RFA Oqurmenliri teminligen

Chet'el pul - mu'amile organlirining mölchirige qarighanda, xitayning iqtisadi igiliki kéler yilida dawamliq töwenleydiken hemde shuninggha egiship éghirliship baridighan xizmetsizlik nisbiti jem'iyette jiddiychilik keltürüp chiqiridiken.

Éghirlishiwatqan ishsizliq nisbiti jem'iyette jiddiychilik keltürüp chiqirishi mumkin

Xitay döletlik statistika idarisi 15 - dékabir düshenbe küni doklat élan qilip, xitay sana'et ishlepchiqirish nisbitining 7 yildin buyanqi eng töwen chekke chüshkenlikini ashkarilighan bolup, buning bilen éghirlishiwatqan ishsizliq nisbiti jem'iyette jiddiychilik keltürüp chiqirishi mumkin iken.

Bu heqte xitay rehberlirimu öz endishilirini yoshurup qalalmighan bolup, "junggo géziti" de neqil élip körsitilishiche, xitay prézidénti xu jintaw kéler yili xitay jem'iyitining éghir ishsizliq mesilisige duch kélidighanliqini bildürgen we: " dunya iqtisadi krizisning tesirige uchrighan kéler yilliq xizmet mesilisi yenila bek köngülsiz bolidu" dégen we xitaydiki xizmet orunlashturush organlirini bu xil mesililerning tesirini töwenlitishte qolidin kélidighan barliq tirishchanliqini körsitishke chaqirghan.

Xitay sheher ichidiki ishsizliq nisbiti 9.4 Pirsentke yetken

Roytérsning neqil élip körsitishiche, xitay ijtima'iy parawanliq ministirlikining mu'awin ministiri jang shiyawjyang, xitaydiki ishsizliq nisbitini bu yil axirighiche 4.5 Pirsent halitide tutup turushqa tirishchanliq körsitiwatqanliqini bildürgen bolsimu, emma u yene kéler yilliq ishsizliq nisbitining dawamliq örleydighanliqini bildürgen.

Halbuki, xitaydiki ishsizliq nisbiti xitay hökümet tarmaqliri élan qilghan nisbettin xélila yuqiri ikenliki ashkariliniwatqan bolup, xitay ijtima'iy penler akadémiyisi bu hepte élan qilghan doklatqa qarighanda , nöwette xitay sheher ichidiki ishsizliq nisbiti 9.4 Pirsentke yetken.

8 Milyon 300 ming xizmet orni yoqalghan

Melum bolushiche, bu yil jeryanida xitayda 670 ming kichik tiptiki shirketler taqalghan bolup, xitay dölet organliri élan qilghan sanliq melumatida , netijide 6.7 Milyon xizmet ornining yoqalghanliqini otturigha qoyghan.

Wehalenki, roytérsta neqil élip körsitilishiche, xitay dölet ishlar meslihetchisi chén chu'angshéng emeliyette xitaydiki ishsizliq ehwalining xitay hökümet organliri élan qilghan sandin nechche hesse éghir ikenlikini hemde xitayda bu yil jem'iy 8 milyon 300ming xizmet ornining yoqalghanliqini bildürgen.

Xitay iqtisadi igilikidiki töwenlesh hadisining xitayning néfit sana'itige élip kéliwatqan eks tesiri téximu körünerlik bolup, yéqinda xitay döletlik néfit we tebi'iy gaz guruhi kelgüsi üch yil ichide shirket xizmetchilirining besh pirsentini qisqartidighanliqini élan qildi.

Melum bolushiche, mezkur néfit guruhining nöwette 1milyon 670 ming ishchisi bar bolup, shu buyiche hésablighanda mezkur shirket jem'iy 80 ming ishchisini qisqartishi mumkin iken.

Roytérstning körsitishiche, 19 - dékabir jüme küni shotlandiye xan jemeti bankisi, xitay iqtisadi igilikining 2009 - yili dawamliq jiddiy töwenleydighanliqini bildürgen bolup, bu xitayda ishsizliq nisbitini téximu éghirlashturuwétidiken.

Naraziliq namayishliri bir qeder küchiyishke bashlidi

Melum bolushiche, sana'et ishlepchiqirishi xitay iqtisadi igilikining 40 pirsentini teshkil qilidighan bolup , bu sahelerde milyonlighan ishchi ishleydighan bolup, eger xitay iqtisadi igiliki yuqirida mölcherlen'gen halette töwenlise, buningdin kélip chiqidighan ishsizliq nisbiti xitay jem'iyitide muqimsizliq keltürüp chiqiridiken.
 
Derweqe, jenubi xitayning gu'angdung , shangxey qatarliq sana'et bazilirida, zawutlarning taqilishi bilen xizmetsiz qalghan hemde ish heqqini alalmighan ishchilar üzlüksiz naraziliq namayishlirini teshkillep kéliwatqan bolup, bu xil hadisiler yéqindin buyan bir qeder küchiyishke bashlidi.

19 - Dékabir düshenbe küni gu'angdung ölkisi dunggüen shehiride bu xildiki naraziliq namayishi yüz bergen bolup, birleshme agéntliqining xewer qilishiche, mezkur sheherge jaylashqan jyenrung chamadan zawutining 300 ge yéqin ishchisi kem qalghan ish heqqini telep qilip namayish teshkillesh aldida saqchilarning tosqunluqigha uchrighan.

Melum bolushiche, 30 dek xitay saqchisi ishchilarni yataq binasidin chiqarmay bina ichige qamal qiliwalghan bolup, netijide saqchilar bilen ishchilar arisida tirkishish kélip chiqqan.

Mezkur zawut ishchiliri 15 - noyabirdin buyan her xil shekiller bilen öz naraziliqini ipadilep kelmekte idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet