Uyghurlarning téléfon alaqisi chekliniwatqanliqigha qarita naraziliq

Téléfon

Abdurishit haji kérimi yéqinda özining ukisi bilen sözleshkende, ukisi shangxeyde Uyghurlarning qanunsiz mu'amilige uchrighanliqi heqqide söz achqan haman téléfon üzüwétilgen.
 
Abdurishit haji kérimi bilen ukisining téléfon söhbiti arqiliq melum bolghan ehwalni shangxey sheherlik jama'et xewpsizliki idarisidin inqilap béqishqa tirishtuq.

Xitayning bash téléfon apparatidiki xanim muxbirimizning qaysi orun'gha téléfon qilidighanliqi, nedin téléfon qiliwatqanliqini sorap bolghandin kéyin, téléfon arqiliq yene bir xanimgha oylap kör, bu kishi junggoche sözliyeleydiken' dep chüshendürdi. U xanimmu yene yuqiriqi so'allarni tekrar sorap bolup, 'shangxey sheherlik jama'et xewpsizliki idarisi bilen sölishemsen? saqlap turghin, téléfon nomurini éytip bérey, yéziwalghin' dégendin kéyin téléfon üzülüp qaldi.

Muxbirimiz yene téléfon qilip shangxey sheherlik jama'et xewpsizliki idarisining téléfon nomurini alghandin kéyin, shu nomur boyiche téléfon qilghanda, özini shangxey sheherlik jama'et xewpsizliki idarisining, dep jawab qayturghan xanim, muxbirimiz soraydighan su'aldin xewer tapqandin kéyin, bashqa bir téléfon nomurini éytip berdi. Emma u éytip bergen bu nomurdiki téléfon taqaq.

Shiwétsiyide turuwatqan haji abdurishit kérimining éytishiche, u qeshqerdiki xotun - baliliri bilen sözlishelmeywatqili üch yildin ashqan. Haji abdurishit kérimining qarishiche, bu bir xelq'araliq mesile.