خىتاي ئۆلكىلىرىدىكى " شىنجاڭ سىنىپى" كىنو فىلىمى قىلىپ ئىشلەنمەكتە


2004-12-01
Share

" شىنجاڭ سىنىپلىرى" مائارىپنى خىتايچىلاشتۇرۇش پىلانىنىڭ مۇھىم تەركىۋى

خىتاينىڭ ئۇيغۇر مائارىپىنى خىتايچىلاشتۇرۇش پىلانى بويىچە 2000 - يىلىدىن بۇيان، خىتاي ئۆلكىلىرىنىڭ 12 شەھىرىدە ئېچىلغان شىنجاڭ سىنىپلىرىغا ھەر يىلى مىڭلاپ ئۇيغۇر ئېلى بالىلىرى تاللىنىپ پۈتۈنلەي خىتاي مائارىپىدا تەربىيىلەنمەكتە.

بۇ يىل خىتاي كوممۇنىستىك پارتىيە مەركىزى كومىتېتىنىڭ يول - يورۇقى بىلەن خىتاي ئۆلكىلىرىدىكى بۇ شىنجاڭ سىنىپلىرىنىڭ سانى 24 كە يەتكۈزۈلۈپ، قوبۇل قىلىنغان ئوقۇغۇچىلار سانى 3000 دىن ئاشتى. خىتاي مائارىپ تارماقلىرىنىڭ ئاشكارىلىشىچە، 2007 -يىلىغا بارغاندا، خىتاي ئۆلكىلىرىدە ئېچىلغان بۇ سىنىپلارغا ئەۋەتىلىدىغان ئوقۇغۇچىلار سانى 20 مىڭغا يەتكۈزۈلمەكچى ئىكەن.

"شىنجاڭ سىنىپى" خىتاينىڭ مىللەتلەر ئىتتىپاقلىق تەشۋېرقات تېمىسى بولدى

خىتاي دائىرىلىرى بۇ خىتايچىلاشتۇرۇش مائارىپ پىلانىنى ئىشقا ئاشۇرۇش ئۈچۈن نۆۋەتتە خىتاي ھۆكۈمىتىنىڭ ئىقتىسادى ياردىمى بىلەن ئوقۇتۇلىدىغان شىنجاڭ تولۇق ئوتتۇرا سىنىپلىرى تەشۋىقاتىنى كۈچەيتمەكتە.

ئۇيغۇر ئاپتونۇم رايونى خەۋەر تور بېتىدە سەيشەنبە بېرىلگەن بىر خەۋەردىن ئاشكارىلىنىشىچە، خىتاي ھۆكۈمىتى شاڭخەي كىنو شىركىتى ۋە شاڭخەي سانتانا ئاپتوموبىل چەكلىك شىركىتى شېرىكچىلىكىدە، خىتاي ئۆلكىلىرىدىكى مۇشۇ شىنجاڭ سىنىپلىرىدا ئوقۇتۇلىۋاتقان ئۇيغۇر ئېلى بالىلىرىنىڭ تەقدىر ئۆزگىرىشلىرىنى، ئوقۇش ھەم ھاياتىنى كىنو قىلىپ ئىشلەۋاتقان بولۇپ، مەزكۇر كىنودا ئاساسلىق شىنجاڭ سىنىپلىرىغا ئوقۇشقا بارغان ئۇيغۇر بالىلىرى بىلەن خىتايلارنىڭ مىللەتلەر ئىتتىپاقلىقىنى ئاساسىي تېما قىلىدىكەن. كىنوغا "ئاچا -سىڭىل، ئاكا- ئىنىلەر" دەپ نام بېرىلگەن.

بىز بۇ مۇناسىۋەت بىلەن خىتاينىڭ دېڭىز بويىدىكى بىر شەھەردە ئېچىلغان شىنجاڭ سىنىپىدا ئوقۇۋاتقان بىر ئۇيغۇر قىز بىلەن سۆھبەتتە بولدۇق :

" شىنجاڭ سىنىپى" دا ئوقۇغان بالىلارنىڭ تەقدىرى ۋە ئارزۇسى

چەتئەللەردىكى ئۇيغۇر تەشكىلاتلىرى ھەمدە ئۇيغۇر زىيالىلىرى خىتاينىڭ ئۇيغۇر مىللىي مائارىپىنى خىتايچىلاشتۇرۇش پىلانىغا ۋە شۇنىڭدەك ھەر يىلى نەچچە مىڭلاپ ئۇيغۇر بالىلىرىنى خىتاي ئۆلكىلىرىدە خىتايچە تەربىيىلىشىگە نارازىلىق بىلدۈرۈپ كەلمەكتە. ئۇلار خىتاي ئۆلكىلىرىدە شىنجاڭ سىنىپلىرىنىڭ ئېچىلىشى، خىتاي ھۆكۈمىتىنىڭ ئۇيغۇرلارنى ئاسسىمىلياتسىيە قىلىشىنىڭ بىر ئۇسۇلى دەپ تونۇماقتا. بۇ ھەقتە دۇنيا ئۇيغۇر قۇرۇلتىيىنىڭ باياناتچىسى دىلشات رىشىت مۇنداق دەپ بىلدۈرگەن ئىدى:

بىز بىلەن سۆھبەتتە بولغان خىتاي ئۆلكىسىدىكى شىنجاڭ تولۇق ئوتتۇرا سىنىپىدا ئوقۇۋاتقان ئۇيغۇر قىز ئۆزىنىڭ ئارزۇلىرى ھەققىدە بىزگە سۆزلەپ بەردى:

خەۋەردىن ئاشكارىلىنىشىچە "ئاچا - سىڭىل، ئاكا - ئىنىلەر" ناملىق خىتاي ئۆلكىلىرىدە ئېچىلغان شىنجاڭ سىنىپىدىكى ئۇيغۇر بالىلىرىنىڭ ھاياتى، مىللەتلەر ئىتتىپاقلىقى تېما قىلىنىپ ئىشلىنىۋاتقان كىنو فىلىمى، 2005 - يىلى ئاپرىلدا كۆرسىتىلىشكە باشلايدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت