Хитай өлкилиридики " шинҗаң синипи" кино филими қилип ишләнмәктә


2004.12.01
Share on WhatsApp
Share on WhatsApp

" Шинҗаң синиплири" маарипни хитайчилаштуруш пиланиниң муһим тәркиви

Хитайниң уйғур маарипини хитайчилаштуруш пилани бойичә 2000 - йилидин буян, хитай өлкилириниң 12 шәһиридә ечилған шинҗаң синиплириға һәр йили миңлап уйғур ели балилири таллинип пүтүнләй хитай маарипида тәрбийиләнмәктә.

Бу йил хитай коммунистик партийә мәркизи комитетиниң йол - йоруқи билән хитай өлкилиридики бу шинҗаң синиплириниң сани 24 кә йәткүзүлүп, қобул қилинған оқуғучилар сани 3000 дин ашти. Хитай маарип тармақлириниң ашкарилишичә, 2007 -йилиға барғанда, хитай өлкилиридә ечилған бу синипларға әвәтилидиған оқуғучилар сани 20 миңға йәткүзүлмәкчи икән.

"Шинҗаң синипи" хитайниң милләтләр иттипақлиқ тәшверқат темиси болди

Хитай даирилири бу хитайчилаштуруш маарип пиланини ишқа ашуруш үчүн нөвәттә хитай һөкүмитиниң иқтисади ярдими билән оқутулидиған шинҗаң толуқ оттура синиплири тәшвиқатини күчәйтмәктә.

Уйғур аптонум райони хәвәр тор бетидә сәйшәнбә берилгән бир хәвәрдин ашкарилинишичә, хитай һөкүмити шаңхәй кино ширкити вә шаңхәй сантана аптомобил чәклик ширкити шерикчиликидә, хитай өлкилиридики мушу шинҗаң синиплирида оқутуливатқан уйғур ели балилириниң тәқдир өзгиришлирини, оқуш һәм һаятини кино қилип ишләватқан болуп, мәзкур кинода асаслиқ шинҗаң синиплириға оқушқа барған уйғур балилири билән хитайларниң милләтләр иттипақлиқини асасий тема қилидикән. Киноға "ача -сиңил, ака- иниләр" дәп нам берилгән.

Биз бу мунасивәт билән хитайниң деңиз бойидики бир шәһәрдә ечилған шинҗаң синипида оқуватқан бир уйғур қиз билән сөһбәттә болдуқ :

" Шинҗаң синипи" да оқуған балиларниң тәқдири вә арзуси

Чәтәлләрдики уйғур тәшкилатлири һәмдә уйғур зиялилири хитайниң уйғур миллий маарипини хитайчилаштуруш пиланиға вә шуниңдәк һәр йили нәччә миңлап уйғур балилирини хитай өлкилиридә хитайчә тәрбийилишигә наразилиқ билдүрүп кәлмәктә. Улар хитай өлкилиридә шинҗаң синиплириниң ечилиши, хитай һөкүмитиниң уйғурларни ассимилятсийә қилишиниң бир усули дәп тонумақта. Бу һәқтә дуня уйғур қурултийиниң баянатчиси дилшат ришит мундақ дәп билдүргән иди:

Биз билән сөһбәттә болған хитай өлкисидики шинҗаң толуқ оттура синипида оқуватқан уйғур қиз өзиниң арзулири һәққидә бизгә сөзләп бәрди:

Хәвәрдин ашкарилинишичә "ача - сиңил, ака - иниләр" намлиқ хитай өлкилиридә ечилған шинҗаң синипидики уйғур балилириниң һаяти, милләтләр иттипақлиқи тема қилинип ишлиниватқан кино филими, 2005 - йили априлда көрситилишкә башлайдикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.