Xitay ölkiliridiki " shinjang sinipi" kino filimi qilip ishlenmekte

• Muxbirimiz gülchéhrening bu heqte teyyarlighanlirini anglang
• Download story audio

" Shinjang sinipliri" ma'aripni xitaychilashturush pilanining muhim terkiwi

Xitayning Uyghur ma'aripini xitaychilashturush pilani boyiche 2000 - yilidin buyan, xitay ölkilirining 12 shehiride échilghan shinjang siniplirigha her yili minglap Uyghur éli baliliri tallinip pütünley xitay ma'aripida terbiyilenmekte.

Bu yil xitay kommunistik partiye merkizi komitétining yol - yoruqi bilen xitay ölkiliridiki bu shinjang siniplirining sani 24 ke yetküzülüp, qobul qilin'ghan oqughuchilar sani 3000 din ashti. Xitay ma'arip tarmaqlirining ashkarilishiche, 2007 -yiligha barghanda, xitay ölkiliride échilghan bu siniplargha ewetilidighan oqughuchilar sani 20 minggha yetküzülmekchi iken.

"Shinjang sinipi" xitayning milletler ittipaqliq teshwérqat témisi boldi

Xitay da'iriliri bu xitaychilashturush ma'arip pilanini ishqa ashurush üchün nöwette xitay hökümitining iqtisadi yardimi bilen oqutulidighan shinjang toluq ottura sinipliri teshwiqatini kücheytmekte.

Uyghur aptonum rayoni xewer tor bétide seyshenbe bérilgen bir xewerdin ashkarilinishiche, xitay hökümiti shangxey kino shirkiti we shangxey santana aptomobil cheklik shirkiti shérikchilikide, xitay ölkiliridiki mushu shinjang siniplirida oqutuliwatqan Uyghur éli balilirining teqdir özgirishlirini, oqush hem hayatini kino qilip ishlewatqan bolup, mezkur kinoda asasliq shinjang siniplirigha oqushqa barghan Uyghur baliliri bilen xitaylarning milletler ittipaqliqini asasiy téma qilidiken. Kinogha "acha -singil, aka- iniler" dep nam bérilgen.

Biz bu munasiwet bilen xitayning déngiz boyidiki bir sheherde échilghan shinjang sinipida oquwatqan bir Uyghur qiz bilen söhbette bolduq :

• U Uyghur qiz bilen élip bérilghan söhbet
• Download story audio

" Shinjang sinipi" da oqughan balilarning teqdiri we arzusi

Chet'ellerdiki Uyghur teshkilatliri hemde Uyghur ziyaliliri xitayning Uyghur milliy ma'aripini xitaychilashturush pilanigha we shuningdek her yili nechche minglap Uyghur balilirini xitay ölkiliride xitayche terbiyilishige naraziliq bildürüp kelmekte. Ular xitay ölkiliride shinjang siniplirining échilishi, xitay hökümitining Uyghurlarni assimilyatsiye qilishining bir usuli dep tonumaqta. Bu heqte dunya Uyghur qurultiyining bayanatchisi dilshat rishit mundaq dep bildürgen idi:

• Dilshat rishid ependi mundaq dégen idi
• Download story audio

Biz bilen söhbette bolghan xitay ölkisidiki shinjang toluq ottura sinipida oquwatqan Uyghur qiz özining arzuliri heqqide bizge sözlep berdi:

• U öz arzulirini bildürüp mundaq dédi
• Download story audio

Xewerdin ashkarilinishiche "acha - singil, aka - iniler" namliq xitay ölkiliride échilghan shinjang sinipidiki Uyghur balilirining hayati, milletler ittipaqliqi téma qilinip ishliniwatqan kino filimi, 2005 - yili aprilda körsitilishke bashlaydiken.