Xu ping: 'qizil uchur we milletler ittipaqliqi teshwiqati xitayning axirqi kozuri'

"5 - Iyul weqesi"din kéyin, xitay hökümiti Uyghur élida intérnét we téléfon alaqisini üzüp tashlighandin bashqa pütün xitay teweside, intérnét we téléfon alaqisige bolghan kontrolluqni kücheytken idi. Bu yil yéngi yil kirgendin kéyin bolsa, pütün xitay boyiche téléfonda "qizil uchur yollash" herikiti élip bérishqa bashlighan.
Muxbirimiz mihriban
2010-02-16
Élxet
Pikir
Share
Print
Süret, xitayning qeshqer sheherlik partkom teshwiqat bölümi teshkilligen qeshqer shehirining 2010 - yilliq bahar bayrimini tebriklesh edebiyat - senet kéchilikidiki körünüshlerdin.
Süret, xitayning qeshqer sheherlik partkom teshwiqat bölümi teshkilligen qeshqer shehirining 2010 - yilliq bahar bayrimini tebriklesh edebiyat - senet kéchilikidiki körünüshlerdin.
www.xjtsnews.com Din élindi.

Amérika awazi radi'o istansisining muxbiri jang nenning bügün 16 - féwral küni béyjingdin xewer qilishiche, hazir xitayda pütün dölet boyiche, " qizil tawar herikiti" dep atalghan téléfonda " qizil uchur yollash" pa'aliyiti élip bériliwatqan bolup, her qaysi yerlik hökümet da'iriliri puqralarni téléfonda "qizil uchur yollash pa'aliyiti élip bérish" arqiliq, "sériq uchurlargha zerbe bérish" herikitini qanat yaydurushqa seperwer qilmaqta iken.

Xewerde, xitayda yürgüzüliwatqan bu heriketning meqsiti heqqide toxtilip: xitayda " medeniyet inqilabi mezgilide " prolétariyat üstünlükni igilimise, burzhu'aziye üstünlükni igileydu." Deydighan bir sho'ar bar idi. Hazir xitay hökümiti atalmish " qizil uchurlarni yollash" arqiliq, "sériq uchur" hem " dölet bixeterlikige tehdit uchur"ni tosup, ulargha zerbe bermekchi boluwatidu." Déyilgen.

"Béyjing bahari" zhurnilining bash muherriri xu ping ependi bügün radi'omizning ziyaritini qobul qilip, xitay hökümiti yolgha qoyuwatqan bu pa'aliyet heqqide öz mulahizisini otturigha qoydi.

"Hazir xitay hökümiti üchün buningdin bashqa amal qalmidi, ular bir mezgil kompartiyini küyleydighan inqilabiy mezmundiki naxshilarni éytish herikiti élip barghan idi, mana emdi " qizil tawar herikiti" dep nam qoyuwalghan " qizil uchurlar"ni yollash arqiliq öz hakimiyitini mustehkemlimekchi boluwatsa kérek. Ular bir tereptin özining teshwiqatini kücheytse, yene bir tereptin puqralarning alaqe wasitisi bolghan téléfon uchurlirini kontrol qilish meqsitige yetmekchi bolmaqta."

Uyghur élidiki uchur kontrolluqi téximu qattiq bolup, yerlik da'iriler "3 xil küchlerge zerbe bérish"hem " ittipaqliq we muqimliq"ni tekitlep, 1 - féwraldin bashlap kimlik nami boyiche intérnét we téléfon'gha tizimlitishni yolgha qoyup, tor saqchilirini hessilep köpeytip, sezgür témida uchur yollighanlarni tutqun qilishni bashliwetken.

12 - Féwral shinxu'a agéntliqining xewiride bayan qilinishiche, jama'et xewpsizlik da'iriliri chaghan bayrimi mezgilide, rayonda uchur alaqige bolghan kontrolluqni hessilep ashurup, bu mezgilidiki 30 künlük zerbe bérish herikitide, " sériq mezmundiki téléfon uchurlirigha hem bölgünchilik mezmunidiki uchurlargha nuqtiliq zerbe bérish" herikiti élip baridighanliqini uqturghan. Qanunchiliq gézitining 12 - féwraldiki xewiride bayan qilinishiche, uchur alaqe sistémisining bixeterlikige kapaletlik qilish üchün, Uyghur aptonom rayon teweside, téléfon hem intérnét abontlirining özining kimliki boyiche tizimlitishini telep qilin'ghan.

Yéqinqi yillardin buyan téléfon uchur - alaqisining tereqqiyatigha egiship, Uyghur élidimu puqralar arisida téléfonda qisqa uchur yollash omumlashqan. Téxi yéqinda Uyghur élidin chet'elge oqushqa chiqqan bir oqughuchining déyishiche, bolupmu yashlar arisida bir - birige téléfonda qisqa uchur yollash arqiliq alaqilishish omumiy keypiyatqa aylan'ghan iken.

Bu oqughuchi yashlar arisida yollinidighan bu xil uchurlarning mezmuni saghlam ikenlikini, hökümet dewatqan "saghlam bolmighan sériq mezmundiki exlet uchurlar"ning intayin az ikenlikini, hökümetning emeliyette sezgür mezmundiki uchurlargha diqqet qilidighanliqini hem chekleydighanliqini bayan qildi.

Xu ping ependi, xitay hökümitining puqralar arisida eng omumlashqan téléfonda qisqa uchur yollash arqiliq öz -ara alaqilishish, pikir almashturush erkinlikigimu yol qoymay, puqralarning kishilik erkinlikini depsende qiliwatqanliqi heqqide toxtilip mundaq dédi: "emeliyette kommunist hökümetning qarshi turudighini qandaqtur "sériq mezmundiki uchurlar emes, ular puqralarning söz erkinlikini boghmaqchi. Xitay hökümiti "5 - iyul"din kéyin intérnét hem uzun yolluq téléfonni üzüp tashlap uchurni qamal qildi. Emma pütün dunya boyiche xitayda eng omumlashqan téléfonda qisqa uchur yollashni tosushqa amal qilalmidi. Ichki xitay ölkiliride hazir hökümetke bolghan naraziliqlar hem shu jaylarda yüz bergen pewqul'adde weqeler téléfonda qisqa uchur yollash arqiliq tarqitiliwatidu. Shunga emdi téléfondiki uchurlarni kontrol qilish arqiliq öz hakimiyitige ziyan yétidighan barliq naraziliqlarni basmaqchi boluwatidu."

Xuping ependi sözide yene, xitay hökümitining chaghan mezgilide Uyghur élide "muqimliq" hem "milletler ittipaqliqi"ni tekitlep "30 künlük qattiq zerbe bérish" herikiti élip bérish bilen bille béyjing, ürümchi, qeshqer qatarliq sheherlerde, chong tiptiki sen'et kéchiliki orunlashturup, xitayning chaghinida Uyghur artislarni sehnige chiqirip kompartiye hem milletler ittipaqliqini medhiyileydighan naxshilarni éytquzuwatqanliqini " xitayning dunyagha qiliwatqan köz boyamchiliqi" hem "maymun oyuni oynatqanliqi" dep eyiblidi.

"Uyghur, tibet, mongghullarni sehnige chiqirip, kompartiyini hem milletler ittipaqliqini medhileydighan naxshilarni éytquzush, Kompartiye hökümitining 60 yildin buyan dawamlashturup kéliwatqan maymun oyuni. Ular ashundaq teshwiqatlar arqiliq xelq'aragha "xitayda milletler ittipaq, milletler barawer" dégenni teshwiq qilidu. Öz ichide bolsa qattiq basturush siyasiti qollinidu. Alayluq olimpik mezgilide Uyghur qatarliq milletlerge olimpik mesh'ilini kötürgüzdi, xitay balilirini 56 millet qiyapitide yasap sehnige chiqardi, bultur dölet bayrimida tyen'enmén meydanigha 56 milletke wekillik qilidighan 56 tüwrükni tiklidi... Emma hemme milletler barawer yashaydighan démokratik dölet amérika qatarliq gherb döletliri héchqachan bundaq yasalmiliqlarni qilmaydu. Bu xitayning köz boyamchiliqi hem maymun oyuni oynatqanliqining eng yaxshi pakitliri. Men késip éytimenki, qizil uchur yollash hem milletler ittipaqliqi teshwiqati, xitay kommunist hökümitining axiriqi kozuri, ular öz hakimiyitining eng axiriqi mezgilge kelginini bilidu, shunga barliq wastilarni ishqa séliwatidu."

Közetküchilerning qarishiche, hazir xitay hökümiti qaytidin maw zédung dewridin qalghan kompartiyini medhiyileydighan inqilabiy naxshilarni éytishni teshebbus qilish, qizil uchur yollash, milletler ittipaqliqini teshebbus qilish,chetning bölgünchilik küchlirige zerbe bérish qatarliq heriketlerni élip bérish arqiliq öz hakimiyitini mustehkemlimekchi iken.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet