Xitayning xelq'arada cheklen'gen süt parashoki se'udi erebistan'gha kirmekte

Se'udi erebistanda chiqidighan" el riyad " gézitining 2008 - yili20 - öktebir düshenbe künidiki sanida:" xelq'ara bazarlirida cheklen'gen xitay süt parashokliri se'udi erebistan bazarlirigha munasiwetlik tereplerning qattiq cheklishige qarimay bésip kirmekte" dégen mawzuda bir maqale élan qilin'ghan.
Muxbirimiz ömerjan toxti
2008.10.23
Sut-parashok-pajiesi3-305.jpg Xitaydiki bowaqlar süt parashokidin zeherlinish mesilisi éghir kirizis hasil qildi. Sürette, xitay anilar zeherlik madda bar süt parashokini qollirida kötürüp naraziliqini bildürmekte.
AFP Photo

Maqalide mundaq dep yézilghan:" el riyad géziti xelq'arada tonulghan chong bir shirketning wasitisi bilen se'udi erebistan paytexti riyad shehiridiki meshhur bir yémek - ichmekler dukinida xitayning cheklen'gen süt parashokini bayqidi. Xitayning süt parashoki setchiliki dunyagha yéyilghandin kéyin, yawropa ittipaqi we xitayning süt mehsulatlirini alidighan döletlerning xitaydin kélidighan süt parashoklirini bazarlardin cheklesh heqqide qarar chiqirishi arqisida, téxi mushu ayning béshidila se'udi erebistanning soda - sana'et ministirliki se'udi erebistan bazarlirida xitayning süt mehsulatlirining, xususen xitayda ishlen'gen yaki birer maddisi xitaydin keltürülüp yasalghan balilar yémeklikliriningmu qet'iy yoqliqini élan qilghan idi."

Soda - sana'et ministirliki ruxset bermigen

Maqalide yene mundaq dep yézilghan:" se'udi erebistan bazarlirida xitayning süt parashokliri bayqalghandin kéyin, se'udi erebistan soda - sana'et ministirliki özining bundaq süt parashokining bazarlargha kélishige ruxset qilmighanliqini tekitlidi. Lékin mezkur ministirlik hazirghiche xitayning cheklen'gen süt parashokini pütün se'udi erebistani bazarliridin tazilash heqqide keskin emr chüshürgen bolsimu, xitayning zeherlik déyilgen bu süt parashokining xetirining qanchilik derijide ikenliki heqqide tepsili melumat bermigen."

Xitaydin kélidighan yémek - ichmekler alahide qattiq tekshürülidu

Maqalide yene mundaq dep yézilghan:" se'udi erebistan soda - sana'et ministirliki mundin ikki hepte burun élan qilghan bayanatida, xitaydin keltürülgen balilar yémekliklirining we her qandaq sütlerning, xususen süt parashokining ' mélamin' dep atalghan zeherlik maddidin salamet ikenlikini tekitlesh üchün tekshürüshni qattiq chingitish, xitayning süt parashoki setchiliki bilen tonulghan mezkur shirkitining mehsulatlirini se'udi erebistani bazarlirigha qet'iy élip kelmeslik heqqide qarar chiqarghan idi."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.