Хитай консулханисиниң алдида хотәндә тутқун қилинған аялларни қоюп бериш тәләп қилинди

18 ‏ - Март җүмә күни шәрқий түркистан маарип вә һәмкарлиқ җәмийити билән түркийә саадәт партийиси истанбул яшлар шөбисиниң бирликтә уюштуруши билән хитайниң истанбулдики консули алдиға йиғилип, 23‏ - март хотәндә тутқун қилинған аялларни қоюп беришни тәләп қилип намайиш елип барди.
Мухбиримиз арислан хәвири
2008.04.18
‏18 - Март истанбул намйиши ‏18 - Март, җүмә күни, хитайниң истанбулдики консули алдидики намайиштин бир көрүнүш.
Photo: RFA

Бу паалийәткә шәрқий түркистан маарип вә һәмкарлиқ җәмийитиниң мәсул вә хадимлири, түркийә саадәт партийиси истанбул яшлар шөбисиниң мәсуллири, иштирак қилди. Паалийәткә қанал ди телевизийиси, доған ахбарати, т в5 телевизийиси , һөрийәт , милли гезити қатарлиқ түркийиниң мәшһур 20 дин артуқ ахбарат вастилириниң мухбирлириму кәлгән иди. У арида 200 дин артуқ түркийә сақчилири хитай әлчиханисиниң алдиға келип топланди.

Саадәт партийисиниң истанбул яшлар шөбисиниң башлиқи һүсәйин тарзи әпәнди хитай сақчилириниң 23‏ - март хотәндә бигунаһ аялларни тутқун қилғанлиқиға қарши хитай әлчиликигә хитап қилип мундақ деди: "шәрқий түркистандики зулумға хатимә берилиши лазим. Хитай залимлириниң зулуми астида қалған уйғур қериндашлиримиз ялғуз әмәс, биз саадәт партийиси болуш сүпитимиз билән шәртсиз һәр вақит мәзлум қериндашлиримизниң йенида туруп залимларға қарши туримиз. Хотәндә тутқун қилинған 600 нәпәр мусулман аяллар шәртсиз һалда дәрһал қоюп берилиши керәк. Биз бу қараримизни ахбарат вастилири арқилиқ йәнә бир қетим пүтүн дуняға елан қилимиз. Залимлар шуни унутмисунки зулум мәңгү давам қилмайду, залимлар һаман бир күни төкүлгән мәзлумларниң қенида ғәрқ болуп түгәйду."
 
 Һүсәйин тарзи әпәнди йәнә хитай әлчиликигә хитап қилип, хитай һакимийитиниң уйғур диярида йүргүзиватқан уйғурларни йоқ етиш вә ассимилятсийә қилиш сиясити тоғрисида тәпсили тохтилип қаттиқ тәнқид қилди.

Һүсәйин тарзи әпәнди йәнә түркийә һөкүмитигә вә түрк хәлқигә хитап қилип мундақ деди: инсанпәрвәрлик роһини чүшәнмигән хитай коммунистлири қандақму тәнтәрбийәниң иттипақлиқ роһини чүшинәлисун. Түркийә бейҗиң олимпик мусабиқисини байқут қилиши . Түрк хәлқи хитай маллирини байқут қилиши керәк.

Шәрқий түркистан маарип вә һәмкарлиқ җәмийәтниң муавин башлиқи һидайәтуллаһ оғуз әпәнди мухбирларниң соаллириға җаваб бәрди. Биз һидайәтуллаһ оғуз әпәнди билән бу һәқтә сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.