'Йеңисарда деһқан болмақ тәс' шеириниң апториға кәлгән җазалар

Йеңисар наһийисидики әрздар һеким сийит, әслидә бир хәлқ қошақчиси вә сазәндә болуп, өткән йили һөкүмәт орунлириға әрзнамә йезиш билән бирликтә, "йеңисарда деһқан болмақ тәс" намлиқ шеир йезип, җәмийәткә тарқатқан болуп, у шеирида хитайниң деһқанларға қаратқан сиясәт вә иҗраатлирини тәнқид қилған.
Мухбиримиз шоһрәт һошур
2010.10.25
Dixan-Awaz-Hekim-S3-305 'Йеңисарда деһқан болмақ тәс' син - алғусидин елинған бу сүрәттә, йеңисарлиқ уйғур деһқан, бу филимни тәййарлиған һеким сийит, һөкүмәт буйруқи билән терилған өзиниң җийаңдулиқида өз дәрдини сөзлимәктә.
Оқурмәнлиримиз әвәткән 'йеңисарда деһқан болмақ тәс' намлиқ син - алғудин елинди.

Һеким сийит язған бу шеири сәвәбидинму йәнә бир қатар җазалашларға йолуққан. Йеңисар даирилири униң той - төкүнләрдә саз челишини чәклигән. Буниң билән һеким сийит өзиниң асаслиқ бир иқтисадий кирим мәнбәсидин айрилип қалған.

"Йеңисарда деһқан болмақ тәс" намлиқ шеирниң аптори һеким сийит мана бу шеири сәвәбидин бир қатар чәклимиләргә йолуққан. Йеңисар наһийилик һөкүмәт һеким сийитни тойға чақирмаслиқ һәққидә аммини агаһландурған. Бу йил ичидә хитай сақчилар уни нәччә қетимлап той сорунлиридин елип кәткән.
 
Бу йил 7 ‏- айда йеңисар наһийисидә деһқан - чарвичиларниң сәнәт көрики өткүзүлгән. Һеким сийит сөгәт йезилиқ һөкүмәтниң тәшкиллишидики сәнәт өмикидә милләтләр иттипақлиқини мәдһийиләп номур тәйярлиған. У тәйярлиған номур амма арисида алқишқа еришкән болсиму, һөкүмәт хадимлириниң таллишидин өтмигән вә һеким сийит бу көрәккә қатнаштурулмиған.

Мәлум болушичә, һеким сийит нөвәттә йеңисарниң қишлақлиридики қирғиз чарвичиларниң той ‏ - төкүнлиридә саз челип, тирикчиликини давамлаштурмақта.

Юқиридики аваз улинишидин, бу һәқтики мәлуматимизниң тәпсилатини аңлайсиләр.
 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.