Сәнлу бовақлар сүт парашокини истимал қилип үч айдин кейин ...

Уйғур аптоном районлуқ медитсина унверситити қармиқидики биринчи дохтурханиси балилар бөлүмидин игилишимизгә қариғанда, мәзкур дохтурханида сәнлу маркилиқ бовақлар сүт парашоки истимал қилғанлиқи сәвәблик бөрәк һәм сүйдүк йоли системисида таш пәйда болуп, опиратсийә қилип сақайтилған бовақлар 21 нәпәргә йәткән.
Мухбиримиз гүлчеһрә
2008.12.03
bowaq-sut-imish-305.jpg Хитайдики мәлум дохтурханида давалиниватқан бовақ.
AFP Photo
u1203-pmg
Аңлаш Авазни көчүрүш

Шундақла, һазирму балилар бөлими балнистида, мушуниңға охшаш сүт парашокидин зәһәрлинип кесәл болған 30 чә бала даваланмақта икән. Буларниң ичидә аранла көрүнүп туридиған назук меңә томуриға асма окул йиңниси киргүзүлгән, үч һәптә илгири оператсийә қилинған болсиму техи сақийип кетәлмәй давамлиқ давалиниватқан, тохтимай йиғлап авазлириму аҗизлашқан муҗаһит исимлик техи тоққуз айлиқму болмиған бир бовақ бар.

Бу бовақ уйғур елидила әмәс бәлки пүтүн хитай бойичиму сәнлу бовақлар сүт парашокиниң зәһәрлишигә учрап бөрикидә таш пәйда болған һәмдә бөрәк таш чүшүрүш оператсийәси қилинған балилар ичидә әң кичики һесаблиниду.

Юқиридики аваз улинишидин, бу бовақниң һазирқи саламәтлик әһвали тоғрисида мухбиримиз гүлчеһрәниң дохтурханидин игилигән тәпсили мәлуматини аңлайсиз.
Мунасивәтлик хәвәрләр
Тәпсили хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.