Senlu bowaqlar süt parashokini istimal qilip üch aydin kéyin ...

Uyghur aptonom rayonluq méditsina unwérsititi qarmiqidiki birinchi doxturxanisi balilar bölümidin igilishimizge qarighanda, mezkur doxturxanida senlu markiliq bowaqlar süt parashoki istimal qilghanliqi seweblik börek hem süydük yoli sistémisida tash peyda bolup, opiratsiye qilip saqaytilghan bowaqlar 21 neperge yetken.
Muxbirimiz gülchéhre
2008-12-03
Share
bowaq-sut-imish-305.jpg Xitaydiki melum doxturxanida dawaliniwatqan bowaq.
AFP Photo

Shundaqla, hazirmu balilar bölimi balnistida, mushuninggha oxshash süt parashokidin zeherlinip késel bolghan 30 che bala dawalanmaqta iken. Bularning ichide aranla körünüp turidighan nazuk ménge tomurigha asma okul yingnisi kirgüzülgen, üch hepte ilgiri opératsiye qilin'ghan bolsimu téxi saqiyip kételmey dawamliq dawaliniwatqan, toxtimay yighlap awazlirimu ajizlashqan mujahit isimlik téxi toqquz ayliqmu bolmighan bir bowaq bar.

Bu bowaq Uyghur élidila emes belki pütün xitay boyichimu senlu bowaqlar süt parashokining zeherlishige uchrap börikide tash peyda bolghan hemde börek tash chüshürüsh opératsiyesi qilin'ghan balilar ichide eng kichiki hésablinidu.

Yuqiridiki awaz ulinishidin, bu bowaqning hazirqi salametlik ehwali toghrisida muxbirimiz gülchéhrening doxturxanidin igiligen tepsili melumatini anglaysiz.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet