Uyghur hey'iti "Limon kino shirkiti" ge Uyghurlar namidin rehmet éyitti

Ixtiyariy muxbirimiz erkin tarim
2020-01-10
Élxet
Pikir
Share
Print
Uyghur hey'iti "Sawashchi" namliq chatma téléwiziye filimini ishligen "Limon kino shirkiti" ning mudiri xeyri aslan ependi (ongdin ikkinji kishi) bilen birge.  2020-Yili yanwar. Türkiye.
Uyghur hey'iti "Sawashchi" namliq chatma téléwiziye filimini ishligen "Limon kino shirkiti" ning mudiri xeyri aslan ependi (ongdin ikkinji kishi) bilen birge. 2020-Yili yanwar. Türkiye.
RFA/Erkin Tarim

Uyghur hey'iti "Sawashchi", yeni "Jengchi" namliq chatma téléwiziye filimini ishligen "Limon kino shirkiti" ning xojayini xayri aslan ependi, filimning sinariyesini yazghan yazghuchi suleyman choban'oghlu ependi we filimde rol alghan gül, gülizar we meryem xanimlar bilen körüshüp ulargha Uyghurlar namidin rehmet éyitti. Uyghur hey'iti ulargha sowghatlarni bérip, Uyghurlarning hazirqi éghir weziyiti toghrisida melumat berdi hemde öz teleplirini otturigha qoydi.

Mezkur uchrishishqa istanbulda pa'aliyet élip bériwatqan sherqiy türkistan fondining re'isi doxtur muhittin janUyghur ependi, idare hey'iti ezasi memet qeshqerli ependi we sherqiy türkistan yashlar teshkilatining pexri re'isi tebet yüjetürk ependiler qatnashqan. 

Qimmetlik radiyo anglighuchilar, bir qanche yildin buyan her yekshenbe küni axshimi Fox téléwiziyeside tarqitiliwatqan "Jengchi" filimi hazir 89-qisimgha kelgen bolup, hazirghiche 10 etrapidiki qisimlirida sherqiy türkistan mesilisi körsitilgen idi. Ötken hepte qoyulghan filimning eng axirqi qismida sherqiy türkistanning "Istiqlal marshi" bilen jaza lagérlirigha orun bergen bolup, türkiyediki Uyghurlarni qattiq söyündürgen. Doxtur muhittin janUyghur ependi "Jengchi" namliq chatma téléwiziye filmini ishligenlerge rehmet éytish üchün ular bilen körüshkenlikini bayan qildi. 

Muhittin janUyghur ependi "Limon kino shirkiti" ning mes'uli we sinarist suleyman choban'oghlu ependilerning özlirini qizghin kütiwalghanliqini, mezkur "Jengchi" namliq téléwiziye filmining bundin kéyinki qisimliridimu Uyghur mesilisige orun béridighanliqini éytqanliqini bayan qildi. 

Sherqiy türkistan yashlar teshkilatining pexri re'isi tebet yüjetürk ependi uchrishishta nuqtiliq halda hazirqi Uyghurlarning éghir weziyiti, bolupmu jaza lagérliri toghrisida ulargha melumat bergenlikini, téléwiziye filimining bundin kéyinki qisimlirida jaza lagérlirini anglitidighanliqini éytqanliqini otturigha qoydi. 

Ziyaritimizni qobul qilghan eysa yüsüp alptékin fondining re'isi, doktor ömer qul ependi "Limon kino shirkiti" ge Uyghur tarixida ötken meshhur shexisler toghrisida kino ishleshni telep qilghanliqini, ularning qiziqqanliqini bayan qilip mundaq dédi: "Men yazghan 'sherqiy türkistan toghrisida 100 so'al' namliq kitabimni sowghat qilghandin kéyin, sherqiy türkstanning hazirqi éghir weziyiti toghrisida melumat berduq. Téléwiziye filmining bundin kéyinki qisimlirida sherqiy türkistanning éghir weziyitini, bolupmu jaza lagérlirida boliwatqan ishlargha orun bérishini telep qilduq. Eng muhimi Uyghur tarixida ötken eysa yüsüp alptékin, osman batur, muhemmet imin bughra we mes'ut sabiri bayqozigha oxshash muhim shexislerning hayati teswirlen'gen kinolar ishlishini telep qilduq. Ularmu bekla qiziqti. Bu heqte kéyin yene qayta körüshüp pikir almashturmaqchi bolduq."

Fox Téléwiziyesining tor bétidiki melumatlargha asaslan'ghanda, "Jengchi" namliq chatma téléwiziye filimi türkiyede eng köp körürmeni bar téléwizye filimi hésablinidiken. Mezkur qanalning yekshenbe küni tarqitilidighan filim programmisida Uyghurgha da'ir filimlarning körsitilishi Uyghurlar mesilisining türk jama'etchiliki teripidin bilinishide zor ehmiyetke ige iken.

Toluq bet