Қарабүк университетида уйғурлар мустәқил дөләтләр қатарида тонуштурулған

Ихтиярий мухбиримиз әркин тарим
2019-10-11
Елхәт
Пикир
Share
Принт
Түркийәниң ғәрбий райониға җайлашқан қарабүк шәһиридики қарабүк университети.
Түркийәниң ғәрбий райониға җайлашқан қарабүк шәһиридики қарабүк университети.
Social Media

Түркийәдики һәрқайси университетларда йеңи оқуш мәвсуми башлиниш мунасивити билән һәр хил мурасимлар өткүзүлмәктә. Түркийәниң ғәрбий райониға җайлашқан қарабүк шәһиридики қарабүк университетида һәр қайси дөләтләрдин кәлгән оқуғучилар өз дөләтлирини тонуштурған. Мәзкур университетниң түрк тили вә әдәбияти факултетида магистирлиқ оқуватқан мамутҗан әркин, хәйригүл аблиз қатарлиқ оқуғучилар «шәрқий түркистан» намида бөлүм ечип шәрқий түркистанни тонуштурған. Биз бу һәқтә мәлумат игиләш үчүн мамутҗан әркин вә хәйригүл вә мәктәп рәһбәрлири билән сөһбәт елип бардуқ.

Мамутҗан әркин 10-11-өктәбир күнлири қарабүк университетида оқуватқан чәтәллик оқуғучиларниң өз дөлитиниң тарихи, мәдәнийити вә өрп-адәтлирини тонуштурғанлиқини, өзиниңму мәхсус бөлмә ечип уйғурларниң тарихи вә мәдәнийитини тонуштурғанлиқини баян қилди. 

Қиммәтлик радио аңлиғучилар қарабүк университетида 55 миң оқуғучи бар болуп, түркийәдә әң көп чәтәллик оқуғучи бар университет һесаблиниду. Бу қетимқи паалийәттә һәр қайси дөләтләрдин кәлгән оқуғучилар өз дөләтлириниң мәдәнийитини тонуштурғандин сирт һазирқи вәзийәтлири тоғрисидиму мәлумат бәргән. Мамутҗан әркин әпәндиму өзиниң уйғурларниң һазирқи еғир вәзийити тоғрисида мәлумат бәргәнликини баян қилди. 

Уйғурларни тонуштурған бөлүмини қарабүк вилайитиниң валийси, қарабүк университетиниң мудири, һәр дәриҗилик рәһбәрлириму екскурсийә қилған. Мамутҗан әркин әпәнди уларғиму шәрқий түркистанниң һазирқи еғир вәзийити тоғрисида мәлумат бәргәнликини баян қилди. 

Қиммәтлик радио аңлиғучилар қарабүк университети оқутқучиси шәнол әпәнди қарабүк университетида уйғур оқуғучилар наһайити аз болсиму 3 йилдин буян мамутҗан әркинниң тиришчанлиқи билән кишиләрниң шәрқий түркистан мәсилисидин хәвәрдар болғанлиқини баян қилди. 

Қарабүк университети түрк тили вә әдәбияти факултетида магистирлиқ оқуватқан таҗигүл аблиз уйғур диярини хитай бесивалғандин кейин аптономийә дәп ативалғанлиқини, әмма түркийәдики кишиләрниң бу җайни әслидә мустәқил дөләт дәп қарайдиғанлиқини билдүрди 

10-11-Өктәбир күнлири қарабүк университетидики паалийәттә оттура асия түркий җумһурийәтлири вә бәзи әрәб дөләтлиридин болуп 15 әтрапида дөләт тонуштурулған.

Пикирләр (0)
Share
Толуқ бәт