Qarabük uniwérsitétida Uyghurlar musteqil döletler qatarida tonushturulghan

Ixtiyariy muxbirimiz erkin tarim
2019.10.11
Turkiye-qarabuk-universiteti.jpg Türkiyening gherbiy rayonigha jaylashqan qarabük shehiridiki qarabük uniwérsitéti.
Social Media

Türkiyediki herqaysi uniwérsitétlarda yéngi oqush mewsumi bashlinish munasiwiti bilen her xil murasimlar ötküzülmekte. Türkiyening gherbiy rayonigha jaylashqan qarabük shehiridiki qarabük uniwérsitétida her qaysi döletlerdin kelgen oqughuchilar öz döletlirini tonushturghan. Mezkur uniwérsitétning türk tili we edebiyati fakultétida magistirliq oquwatqan mamutjan erkin, xeyrigül abliz qatarliq oqughuchilar “Sherqiy türkistan” namida bölüm échip sherqiy türkistanni tonushturghan. Biz bu heqte melumat igilesh üchün mamutjan erkin we xeyrigül we mektep rehberliri bilen söhbet élip barduq.

Mamutjan erkin 10-11-öktebir künliri qarabük uniwérsitétida oquwatqan chet'ellik oqughuchilarning öz dölitining tarixi, medeniyiti we örp-adetlirini tonushturghanliqini, öziningmu mexsus bölme échip Uyghurlarning tarixi we medeniyitini tonushturghanliqini bayan qildi. 

Qimmetlik radi'o anglighuchilar qarabük uniwérsitétida 55 ming oqughuchi bar bolup, türkiyede eng köp chet'ellik oqughuchi bar uniwérsitét hésablinidu. Bu qétimqi pa'aliyette her qaysi döletlerdin kelgen oqughuchilar öz döletlirining medeniyitini tonushturghandin sirt hazirqi weziyetliri toghrisidimu melumat bergen. Mamutjan erkin ependimu özining Uyghurlarning hazirqi éghir weziyiti toghrisida melumat bergenlikini bayan qildi. 

Uyghurlarni tonushturghan bölümini qarabük wilayitining waliysi, qarabük uniwérsitétining mudiri, her derijilik rehberlirimu ékskursiye qilghan. Mamutjan erkin ependi ularghimu sherqiy türkistanning hazirqi éghir weziyiti toghrisida melumat bergenlikini bayan qildi. 

Qimmetlik radi'o anglighuchilar qarabük uniwérsitéti oqutquchisi shenol ependi qarabük uniwérsitétida Uyghur oqughuchilar nahayiti az bolsimu 3 yildin buyan mamutjan erkinning tirishchanliqi bilen kishilerning sherqiy türkistan mesilisidin xewerdar bolghanliqini bayan qildi. 

Qarabük uniwérsitéti türk tili we edebiyati fakultétida magistirliq oquwatqan tajigül abliz Uyghur diyarini xitay bésiwalghandin kéyin aptonomiye dep atiwalghanliqini, emma türkiyediki kishilerning bu jayni eslide musteqil dölet dep qaraydighanliqini bildürdi 

10-11-Öktebir künliri qarabük uniwérsitétidiki pa'aliyette ottura asiya türkiy jumhuriyetliri we bezi ereb döletliridin bolup 15 etrapida dölet tonushturulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.