Istanbulda “Kök ay insaniy yardem jem'iyiti” quruldi

Türkiyediki “Kök ay insani yardem jem'iyiti” ning échilish murasimidin bir körünüsh. 2019-Yili 9-noyabir. Istanbul, türkiye.

Türkiyediki “Kök ay insani yardem jem'iyiti” ning échilish murasimidin bir körünüsh. 2019-Yili 9-noyabir. Istanbul, türkiye.

Türkiyediki “Kök ay insani yardem jem'iyiti” ning échilish murasimidin bir körünüsh. 2019-Yili 9-noyabir. Istanbul, türkiye.

Türkiyediki “Kök ay insani yardem jem'iyiti” ning échilish murasimidin bir körünüsh. 2019-Yili 9-noyabir. Istanbul, türkiye.

Türkiyediki “Kök ay insani yardem jem'iyiti” ning échilish murasimidin bir körünüsh. 2019-Yili 9-noyabir. Istanbul, türkiye.

Türkiyediki “Kök ay insani yardem jem'iyiti” ning échilish murasimidin bir körünüsh. 2019-Yili 9-noyabir. Istanbul, türkiye.

Istanbulda “Kök ay insaniy yardem jem'iyiti” quruldi. Bu jem'iyetning istanbul waliyiliqi qarmiqidiki ijtima'iy jem'iyetler bilen alaqe qilish idarisi teripidin resimi en'ge élinip testiqlan'ghanliqi bildürüldi.

9-Noyabir shenbe küni bu jem'iyetning Uyghurlar eng köp olturaqlashqan istanbulning sefaköy rayonidiki yéngi ishxanisi aldida chong sorun hazirlinip, échilish murasimi ötküzüldi. Échilish murasimigha istanbulda yashawatqan Uyghurlar, sherqiy türkistan ma'arip we hemkarliq jem'iyiti, sherqiy türkistan ölimalar birliki

Qatarliq Uyghur teshkilatlarning rehberliri we ezaliri shundaqla “Yéshil ay” jem'iyiti, xeyrat jem'iyiti, küchükchekmeje sheherlik hökümet wekilliri, milletchi heriket partiyesining wekilliri, adalet we tereqqiyat partiyesining wekilliri, yéngidin rifaq partiyesining wekilliri bolup köp sanda rehberler we xelq ammisi qatnashti.

Murasimgha sherqiy türkistan ma'arip we hemkarliq jem'iyitining bash katipi abdul'ehed abduraxman riyasetchilik qildi. Échlish murasimida aldi bilen “Kök ay insaniy yardem jem'iyiti” ning re'isi abdurehim eziz'oghli söz qilip, yéngi qurulghan bu jem'iyetni qisqiche tonushturup ötti. 

Murasimda sherqiy türkistan teshkilatlar birlikining re'isi hidayetulla oghuzxan söz qilip, yéngi qurulghan jem'iyetni tebriklidi we maddi we meniwiy jehettin qollaydighanliqini bildürdi. U mundaq dédi: “Bizning sherqiy türkistan bayriqining rengi kök we bayraqta ay bolghanliqi üchün ‛kök ay insaniy yardem jem'iyiti‚ ning logosi hem ay hem kök rengdin terkip tapti. Bu jem'iyetning téximu küchlük bir shekilde, téximu sistémiliq, téximu uchuq bir shekilde insanlargha yardem bérish saheside türkiye we chet'ellerde yaxshi xizmetlerni otturigha chiqirishta muweppiqiyet qazinishigha tilekdashliq bildürimiz.”

Murasimda yene sabiq parlamnét ezasi proféssur jalal erbay söz qilip, “Bashqilarning qizil ay, yéshil ay jem'iyetliri bolsa, sherqiy türksitanliqlarningmu emdi kök ay jem'iyiti boptu, kök ay insaniy yardem jem'iytining ismi del jayda qoyulghan isim boptu. Bu jem'iyetni tebrikleymen we her jehettin qollaymen,” dédi.

Bu jem'iyetning türkche ismi “Mawi hilal insaniy yardem dernegi” dep atalghan. Murasimda adalet we tereqqiyat partiyesi küchükchekmeje shöbe re'isi mustafa qorqut söz qilip, “Sherqiy türksitanliq qérindashlirimizning éhtiyajlirini hel qilish üchün hemmimiz birlikte gheyret qilimiz. Kök ay insaniy yardem jem'iyitimizge küchükchekmeje nahiyesidiki pütkül xelq ammisi maddi we meniwiy jehettin qollap destek bérishke teyyar ikenlikimizni bildürüshni xalaymen,” dédi.

Uningdin bashqa yene yéngidin rafah partiyesining küchükchekmeje shöbe re'isi shaban yüksel ependi, yéshil ay ijtima'iy yardem jem'iyitining wekili kamal altun bey'ependi, yesewiy alp'erenler jem'iyitining re'isi kurshat mijan qatarliqlar söz qilip, “Kök ay inisaniy yardem jem'iyiti” ning maddi we menwiy jehettin qollaydighanliqini bildürüshti.

Biz bu heqte téximu köp melumatqa érishish üchün bu jem'iyetning re'isi abduréhim eziz'oghli ependi bilen söhbet élip barduq. Abduréhim eziz oghli bu jem'iyetning néme sewebtin qurulghanliqi, ghaye-meqsetliri we élip barmaqchi bolghan xizmetliri toghrisida toxtaldi. Abduréhim eziz oghlining bildürüshiche, sherqiy türkistan ma'arip jem'iyiti ijtima'iy yardem bölümini resmiyleshtürüp, “Kök hilal insaniy yardem jem'iyiti” dégen namda istanbul waliyiliqi ijtima'iy jem'iyetler idarisi teripidin resmi en'ge aldurup testiqlatqan iken. Sherqiy türkistan ma'arip we hemkarliq jem'iyitining ijtima'iy yardem xizmetlirini buningdin kéyin bu jem'iyet élip baridiken.