Истанбулда «көк ай инсаний ярдәм җәмийити» қурулди

Ихтиярий мухбиримиз арслан
2019-11-13
Елхәт
Пикир
Share
Принт
Түркийәдики «көк ай инсани ярдәм җәмийити» ниң ечилиш  мурасимидин бир көрүнүш. 2019-Йили 9-ноябир. Истанбул, түркийә.
Түркийәдики «көк ай инсани ярдәм җәмийити» ниң ечилиш мурасимидин бир көрүнүш. 2019-Йили 9-ноябир. Истанбул, түркийә.
RFA/Arslan

Истанбулда «көк ай инсаний ярдәм җәмийити» қурулди. Бу җәмийәтниң истанбул валийилиқи қармиқидики иҗтимаий җәмийәтләр билән алақә қилиш идариси тәрипидин рәсими әнгә елинип тәстиқланғанлиқи билдүрүлди.

9-Ноябир шәнбә күни бу җәмийәтниң уйғурлар әң көп олтурақлашқан истанбулниң сәфакөй районидики йеңи ишханиси алдида чоң сорун һазирлинип, ечилиш мурасими өткүзүлди. Ечилиш мурасимиға истанбулда яшаватқан уйғурлар, шәрқий түркистан маарип вә һәмкарлиқ җәмийити, шәрқий түркистан өлималар бирлики

Қатарлиқ уйғур тәшкилатларниң рәһбәрлири вә әзалири шундақла «йешил ай» җәмийити, хәйрат җәмийити, күчүкчәкмәҗә шәһәрлик һөкүмәт вәкиллири, милләтчи һәрикәт партийәсиниң вәкиллири, адаләт вә тәрәққият партийәсиниң вәкиллири, йеңидин рифақ партийәсиниң вәкиллири болуп көп санда рәһбәрләр вә хәлқ аммиси қатнашти.

Мурасимға шәрқий түркистан маарип вә һәмкарлиқ җәмийитиниң баш катипи абдуләһәд абдурахман риясәтчилик қилди. Ечлиш мурасимида алди билән «көк ай инсаний ярдәм җәмийити» ниң рәиси абдурәһим әзизоғли сөз қилип, йеңи қурулған бу җәмийәтни қисқичә тонуштуруп өтти. 

Мурасимда шәрқий түркистан тәшкилатлар бирликиниң рәиси һидайәтулла оғузхан сөз қилип, йеңи қурулған җәмийәтни тәбриклиди вә мадди вә мәнивий җәһәттин қоллайдиғанлиқини билдүрди. У мундақ деди: «бизниң шәрқий түркистан байриқиниң рәңи көк вә байрақта ай болғанлиқи үчүн ‹көк ай инсаний ярдәм җәмийити' ниң логоси һәм ай һәм көк рәңдин тәркип тапти. Бу җәмийәтниң техиму күчлүк бир шәкилдә, техиму системилиқ, техиму учуқ бир шәкилдә инсанларға ярдәм бериш саһәсидә түркийә вә чәтәлләрдә яхши хизмәтләрни оттуриға чиқиришта мувәппиқийәт қазинишиға тиләкдашлиқ билдүримиз.»

Мурасимда йәнә сабиқ парламнет әзаси профессур җалал әрбай сөз қилип, «башқиларниң қизил ай, йешил ай җәмийәтлири болса, шәрқий түркситанлиқларниңму әмди көк ай җәмийити бопту, көк ай инсаний ярдәм җәмийтиниң исми дәл җайда қоюлған исим бопту. Бу җәмийәтни тәбрикләймән вә һәр җәһәттин қоллаймән,» деди.

Бу җәмийәтниң түркчә исми «мави һилал инсаний ярдәм дәрнәги» дәп аталған. Мурасимда адаләт вә тәрәққият партийәси күчүкчәкмәҗә шөбә рәиси мустафа қорқут сөз қилип, «шәрқий түркситанлиқ қериндашлиримизниң еһтияҗлирини һәл қилиш үчүн һәммимиз бирликтә ғәйрәт қилимиз. Көк ай инсаний ярдәм җәмийитимизгә күчүкчәкмәҗә наһийәсидики пүткүл хәлқ аммиси мадди вә мәнивий җәһәттин қоллап дәстәк беришкә тәйяр икәнликимизни билдүрүшни халаймән,» деди.

Униңдин башқа йәнә йеңидин рафаһ партийәсиниң күчүкчәкмәҗә шөбә рәиси шабан йүксәл әпәнди, йешил ай иҗтимаий ярдәм җәмийитиниң вәкили камал алтун бәйәпәнди, йәсәвий алпәрәнләр җәмийитиниң рәиси куршат миҗан қатарлиқлар сөз қилип, «көк ай инисаний ярдәм җәмийити» ниң мадди вә мәнвий җәһәттин қоллайдиғанлиқини билдүрүшти.

Биз бу һәқтә техиму көп мәлуматқа еришиш үчүн бу җәмийәтниң рәиси абдуреһим әзизоғли әпәнди билән сөһбәт елип бардуқ. Абдуреһим әзиз оғли бу җәмийәтниң немә сәвәбтин қурулғанлиқи, ғайә-мәқсәтлири вә елип бармақчи болған хизмәтлири тоғрисида тохталди. Абдуреһим әзиз оғлиниң билдүрүшичә, шәрқий түркистан маарип җәмийити иҗтимаий ярдәм бөлүмини рәсмийләштүрүп, «көк һилал инсаний ярдәм җәмийити» дегән намда истанбул валийилиқи иҗтимаий җәмийәтләр идариси тәрипидин рәсми әнгә алдуруп тәстиқлатқан икән. Шәрқий түркистан маарип вә һәмкарлиқ җәмийитиниң иҗтимаий ярдәм хизмәтлирини буниңдин кейин бу җәмийәт елип баридикән.

Пикирләр (0)
Share
Толуқ бәт