Ürümchidiki ot apitide qaza qilghan qemernisaxan abdurahman a'ilisning paji'esi

Muxbirimiz nur'iman
2022.11.29
urumchi-ot-olgen-olgenler-1.jpg Ürümchide 24-noyabir binagha tutashqan ot apitide 19-qewette qaza qilghan (soldin) 13 yashliq shehide, 5 yashliq nehdiye, ularning anisi 48 yashliq qemernisaxan abduraxman we 9 yashliq abduraxman.
Oqurmen teminligen

11-Ayning 24-küni kechqurun ürümchining döngköwrük rayoni “Jishangyüen” a'ililikler qorusidiki bir binagha ot kétip, kichik balilarnimu öz ichige alghan birmunche ademning paji'elik ölümini keltürüp chiqarghanidi. Melum bolushiche, bu ot apitide ot 15-qewettin bashlinip 19-20-qewetlergiche tutashqan. Ot 3 sa'ettin artuqraq waqitta aran öchürülgen.

Ürümchide 24-noyabir yüz bergen ot apitide qaza qilghan (soldin) 11 yashliq imram we 13 yashliq shehide.
Ürümchide 24-noyabir yüz bergen ot apitide qaza qilghan (soldin) 11 yashliq imram we 13 yashliq shehide.
Oqurmen teminligen

Bu ot apitide 19-qewettiki öyide töt balisi bilen bille köyüp ölüp ketken qemernisaxan abdurahman a'ilisining paji'esi Uyghurlarning nöwettiki tragédiyesini téximu éniq gewdilendürgen. Merhum qemernisaxan abdurahmanning sharapet we muhemmed simlik ikki balisi türkiyede oquwatqan bolup, ular anisining we kichiki besh yash, chongi 13 yashliq bolghan ini-singillirining otta köyüp ölüp ketkenlikini ijtima'iy taratqulardin körgen. Ularning déyishiche ularning dadisi we chong akisi 2016-yilining otturiliri we 2017-yilining axirlirida ayrim-ayrim lagérgha élip kétilgen bolup, shuningdin buyan ularning iz-dériki yoq iken.

Merhum qemernisaxan abduraxmanning türkiyede oquwatqan sharapet we muhemmed isimlik ikki perzenti. 2022-Yili, istanbul.
Merhum qemernisaxan abduraxmanning türkiyede oquwatqan sharapet we muhemmed isimlik ikki perzenti. 2022-Yili, istanbul.

Sharapet we muhemmedni bu munasiwet bilen radiyomizning bügünki programmisigha teklip qilduq. Söhbitimizning tepsilatini yuqiridiki ulinishtin anglighaysiler.

Tajsiman wirus qamili mezgilide, 24-noyabir ot kétip éghir derijide köyüp ketken bina. 2022-Yili 25-noyabir, ürümchi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.