Уйғурларниң күрәш қиссәси 6-қисим: үмид уруқи чечиш

Уйғур дияридики қаттиқ бастурушлардин қечип чиққан җүрәтлик уйғур аял-мунәввәр һазир түркийәдики нузугум фондиға риясәтчилик қилмақта. У маңдуруватқан бу мәдәнийәт өйи ялғуз уйғур тили вә мәдәнийитигә һамийлиқ қилипла қалмастин, бәлки илаһий илһамниң түрткисидә уйғур мәдәнийити саһәсидики сода-сетиқ ишлириниму йүрүштүрүп маңмақта. Тәвәккүланә тиришчанлиқлардин қолға кәлгән пайда вә кирим, бир қисим қол һүнәр маһаритигә игә. Уйғур аяллирини иш пурситигә ериштүрүп, уларни иқтисадий мустәқиллиққа игә қилмақта. Нузугум фонди 2013-йили қурулған болуп, түркийәдики уйғур тул аяллар, қизлар вә йетим балиларни тәрбийәләш һәмдә уларға иқтисадий җәһәттин яр-йөләктә болушни мәқсәт қилған. Нузугум фондиниң йеқинда ишқа ашурған йәнә бир муһим тиришчанлиқлиридин бири қираәтхана ечиш болуп, униңда уйғур диярида чәкләнгән яки йиғивелинған китаб-материяллар сақланмақта. Мунәввәр өзуйғурниң һекайиси қәйсәрлик, миллий мәдәнийәткә болған ғурур вә иптихар, шундақла муһаҗирәттики уйғур топлуқлирида қиз-аялларниң қәддини көтүрүштин ибарәт арзулар билән толған.