“уйғур өйи” вә д у қ ишханисиниң ечилиш мурасими өткүзүлди

Мюнхендин ихтиярий мухбиримиз әкрәм тәйярлиди
2024.03.04
Uyghur-oyi-00 Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
RFA/Ekrem

3-Март германийәниң мюнхен шәһиридики көплигән уйғурларниң иштиракида “уйғур өйи” вә д у қ ишханисиниң ечилиш мурасими дағдуғилиқ өткүзүлди. Мурасим қуран тилавити вә шәрқий түркистанниң истиқлал марши билән башланди. Д у қ муавин рәиси пәрһат муһәммиди әпәнди мурасимға риясәтчилик қилди. Д у қ рәиси долқун әйса әпәнди ечилиш нутқи сөзлиди.

Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
RFA/Ekrem

Д у қ 2004-йили 4-айда қурулғандин буян мюнхен шәһәр мәркизидики иҗаригә елинған ишханиларда хизмәтлирини давамлаштуруп кәлгән болуп, 2023-йили 10-айда дуняниң һәрқайси әллиридики уйғурларниң халис ианилири билән 1 милйон явроға бир йүрүш өйни сетивалған. Йәнә 200 миң явроға йеқин чиқим билән бу өйләрниң қурулушлири 2024-йили 3-айда тамамлинип, д у қ иҗарә өйдин өзлиригә мәнсуп болған йеңи ишханилириға көчүп чиққан. 4 Еғизлиқ ишханиси, паалийәт зали, мәсчити, ашханиси болған бу йеңи туралғуға “уйғур өйи” дәп нам бәргән.

Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
RFA/Ekrem

Д у қ рәиси долқун әйса әпәнди нәқ мәйдандин бу һәқтә зияритимизни қобул қилғанда, мәзкур “уйғур өйи” ниң бундин кейинки сиясий дәваниң тәрәққиятиға һәссиләр қатидиғанлиқини, уйғур миллий кимликини сақлап қелишта муһим рол ойнайдиғанлиқини вә башқа милләтләргә уйғурларниң мәдәнийәт ити тонутушниң яхши бир мунбири болидиғанлиқини тилға алди.

Д у қ муавин рәиси пәрһат муһәммиди әпәнди бу һәқтә тохталғанда, д у қ ниң қурулуп 20 йилдин кейин өзигә мәнсуп болған бир ишханисиниң бәрпа болушиниң муһаҗирәттики уйғур миллий дәваси тарихидики муһим әһмийәткә игә бир һадисә болғанлиқини әскәртти. Д у қ фондиниң рәиси абдуҗелил әмәт әпәнди, “уйғур өйи” ниң ясилиши вә безәк ишлириға көплигән уйғурларниң айларчә халис әҗирләр сәрп қилғанлиқини тәкитлиди.

Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
RFA/Ekrem

Д у қ ниң йеңи залида 3-март өткүзүлгән “уйғур өйи” вә д у қ ишханисиниң ечилиш мурасими соруни қайнам ташқинлиққа чөмгән иди. Мюнхендики чоңлар мәшрипиниң қазиси, җамаәт әрбаби аблимит турсун әпәнди “бу мәнзиридин вәтәндики һаятниң кичик бир әвришкисиниң барлиққа кәлгәнликини көргәндәк болдум” дегәнләрни баян қилди. Уйғур дәвасиниң актип қоллиғучиси вә “германийә уйғур мәдәнийәт-маарип бирлики” тәшкилатиниң сабиқ рәиси һәлимә ханимму хушаллиққа толған бу көрүнүшләрдин өзиниң бәкму һаяҗанланғанлиқини тилға алди.

Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
Дуня уйғур қурултийи мәркизи ишханиси вә уйғур өйиниң ечилиш мурасиминиң көрүнүши. 2024-Йили 3-март, мюнхен
RFA/Ekrem

Мурасим давамида д у қ рәһбәрлири уйғур өйиниң қурулушиға халис ианә қилған һәм күч чиқарған барлиқ кишиләргә гуваһнамә вә мукапатлар тәқдим қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.