“Uyghur öyi” we d u q ishxanisining échilish murasimi ötküzüldi

Myunxéndin ixtiyariy muxbirimiz ekrem teyyarlidi
2024.03.04
Uyghur-oyi-00 Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
RFA/Ekrem

3-Mart gérmaniyening myunxén shehiridiki köpligen Uyghurlarning ishtirakida “Uyghur öyi” we d u q ishxanisining échilish murasimi daghdughiliq ötküzüldi. Murasim qur'an tilawiti we sherqiy türkistanning istiqlal marshi bilen bashlandi. D u q mu'awin re'isi perhat muhemmidi ependi murasimgha riyasetchilik qildi. D u q re'isi dolqun eysa ependi échilish nutqi sözlidi.

Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
RFA/Ekrem

D u q 2004-yili 4-ayda qurulghandin buyan myunxén sheher merkizidiki ijarige élin'ghan ishxanilarda xizmetlirini dawamlashturup kelgen bolup, 2023-yili 10-ayda dunyaning herqaysi elliridiki Uyghurlarning xalis i'aniliri bilen 1 milyon yawrogha bir yürüsh öyni sétiwalghan. Yene 200 ming yawrogha yéqin chiqim bilen bu öylerning qurulushliri 2024-yili 3-ayda tamamlinip, d u q ijare öydin özlirige mensup bolghan yéngi ishxanilirigha köchüp chiqqan. 4 Éghizliq ishxanisi, pa'aliyet zali, meschiti, ashxanisi bolghan bu yéngi turalghugha “Uyghur öyi” dep nam bergen.

Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
RFA/Ekrem

D u q re'isi dolqun eysa ependi neq meydandin bu heqte ziyaritimizni qobul qilghanda, mezkur “Uyghur öyi” ning bundin kéyinki siyasiy dewaning tereqqiyatigha hessiler qatidighanliqini, Uyghur milliy kimlikini saqlap qélishta muhim rol oynaydighanliqini we bashqa milletlerge Uyghurlarning medeniyet iti tonutushning yaxshi bir munbiri bolidighanliqini tilgha aldi.

D u q mu'awin re'isi perhat muhemmidi ependi bu heqte toxtalghanda, d u q ning qurulup 20 yildin kéyin özige mensup bolghan bir ishxanisining berpa bolushining muhajirettiki Uyghur milliy dewasi tarixidiki muhim ehmiyetke ige bir hadise bolghanliqini eskertti. D u q fondining re'isi abdujélil emet ependi, “Uyghur öyi” ning yasilishi we bézek ishlirigha köpligen Uyghurlarning aylarche xalis ejirler serp qilghanliqini tekitlidi.

Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
RFA/Ekrem

D u q ning yéngi zalida 3-mart ötküzülgen “Uyghur öyi” we d u q ishxanisining échilish murasimi soruni qaynam tashqinliqqa chömgen idi. Myunxéndiki chonglar meshripining qazisi, jama'et erbabi ablimit tursun ependi “Bu menziridin wetendiki hayatning kichik bir ewrishkisining barliqqa kelgenlikini körgendek boldum” dégenlerni bayan qildi. Uyghur dewasining aktip qollighuchisi we “Gérmaniye Uyghur medeniyet-ma'arip birliki” teshkilatining sabiq re'isi helime xanimmu xushalliqqa tolghan bu körünüshlerdin özining bekmu hayajanlan'ghanliqini tilgha aldi.

Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
Dunya Uyghur qurultiyi merkizi ishxanisi we Uyghur öyining échilish murasimining körünüshi. 2024-Yili 3-mart, myunxén
RFA/Ekrem

Murasim dawamida d u q rehberliri Uyghur öyining qurulushigha xalis i'ane qilghan hem küch chiqarghan barliq kishilerge guwahname we mukapatlar teqdim qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.